Pagat e të gjithë lojtarëve shqiptarë në Serie A – Muriqi mbret, Ujkani me rrogën më të ulët

Janë zbuluar pagat e lojtarëve në Serie A, ku lider sa i përket harxhimeve është Juventusi me një diferencë të madhe nga klubet tjera.

Nga të dhënat e publikuara nga Gazetta dello Sport, janë 12 futbollistë shqiptarë që janë në listën e pagave të ekipeve të para në Serie A.

Mbret sa i përket pagës te shqiptarët është sulmuesi i ri i Lazios, Vedat Muriqi, që paguhet plot 2.2 milionë euro në vit.

Pas tij më pagë të njëjtë vijnë dy ish mbrojtësit e Veronës, Amir Rrahmani i Napolit dhe Marash Kumbulla i Romës me nga 1.8 milion euro në vit, shkruan Telegrafi.

Me paga vjetor mbi 1 milion euro janë edhe Elsedi Hysaj që fiton te Napoli plot 1.6 milion euro, Thomas Strakosha te Lazio që fiton 1.2 milion euro dhe Riza Durmishi po ashtu te Lazio me 1 milion euro në sezon.

Lexo po ashtu Pagat e të gjitha klubeve në Serie A – Prinë Juventusi, Interi i dyti dhe Atalanta e 11-ta

Berat Gjimshiti te Atalanta fiton 800 mijë euro në vit, ndërsa nga 700 mijë fitojnë emra si Mërgim Vojvoda (Torino) dhe Përparim Hetemaj (Benevento).

Ardian Ismajli i transferuar te Spezia fiton 600 mijë euro, ndërsa Valon Behmrami te Genoa ka pagë 500 mijë euro në vit.

I fundit në listë nga shqiptarët e Serie A është portieri Samir Ujkani që fiton 300 mijë euro në vit.

Në listë nuk janë emrat  e shumë lojtarëve të rinj që shpesh ftohen në ekipet e para, si ai i Giacomo Vrionit te Juventusi.

Vedat Muriqi (Lazio) – 2.2 milionë euro në vit    

Marash Kumbulla (Roma) – 1.8 milionë euro në vit

Amir Rrahmani (Napoli) – 1.8 milionë euro në vit

Elseid Hysaj (Napoli) – 1.6 milionë euro në vit

Thomas Strakosha (Lazio)  – 1.2 milionë euro në vit

Riza Durmishi (Lazio) – 1 milion euro në vit

Berat Gjimshiti (Atalanta) – 800 mijë euro në vit

Mërgim Vojvoda (Torino) – 700 mijë euro në vit

Përparim Hetemaj (Benevento) – 700 mijë euro

Ardian Ismajli (Spezia) – 600 mijë euro

Valon Behrami (Genoa) – 500 mijë euro në vit

Samir Ujkani (Torino) – 300 mijë euro në vit

/Telegrafi/