Kandidatja për kryeministre nga LDK-ja, Vjosa Osmani ka thënë se në zgjedhje do të ketë mbështetje nga të gjithë nënkryetarët e partisë.

Osmani, në “Debat Plus” me Ermal Pandurin në RTV Dukagjini ka thënë se rënia e votës për LDK-në në vitet e kaluara ka të bëj me koalicionin që kjo parti ka pasur me PDK-në, përcjell Telegrafi.

Ajo thotë se njerëzit e LDK-së në zona të caktuar kanë punuar mjaft dhe rezultati i atyre zgjedhjeve nuk ka pasur të bëj me pakënaqësitë e brendshme brenda partisë.

Kandidatja për kryeministre nga LDK-ja, ka thënë se në këto zgjedhje do ta ketë mbështetjen e plotë të Lutfi Hazirit dhe nënkryetarëve të tjerë.

“Do të kemi një rritje shumë të madhe të votës në Gjilan që do t’i befasojë të gjithë. Puna jonë nuk mund të shihet si vetëm bashkëpunim mes Lutfi Hazirit dhe Vjosa Osmanit, por bashkëpunim i një grupi të madh duke filluar nga kryetari. Vota e LDK-së në Gjilan do të jetë më e madhja që nga koha e Presidentit Rugova”.

Osmani: Meritoj fitoren në këto zgjedhje, për shkak të konsistencës time në vendimet politike Osmani: Meritoj fitoren në këto zgjedhje, për shkak të konsistencës time në vendimet politike

Osmani ka mbrojtur edhe Qeverinë Mustafa duke thënë se ajo qeveri nuk ka pasur asnjë ministër me aktakuzë për dallim siç thotë ajo nga qeveria në detyrë./Telegrafi/