Ministri ukrainas i Mbrojtjes, Oleksii Reznikov gjatë një interviste dhënë për Sky News, ka thënë se nëse Ukraina bie në duart e rusëve, atëherë vendet e tjera evropiane do të jenë caku i radhës.

Reznikov theksoi se nuk ka kuptim “tentimi për moseskalim” të situatës me Rusinë, për faktin se lufta tashmë ka filluar në vendin tonë, transmeton Telegrafi.

Ai madje beson se Lufta e Tretë Botërore ka filluar. Në anën tjetër, vendet perëndimore vazhdimisht po shfaqin mbështetjen për Ukrainën.

Shkëmbimi më i madh të të burgosurve të luftës - lirohen 144 ukrainas, 99 prej tyre ishin mbrojtës së Azovstalit Shkëmbimi më i madh të të burgosurve të luftës - lirohen 144 ukrainas, 99 prej tyre ishin mbrojtës së Azovstalit

Ata po dërgojnë armë të kalibrit të ndryshëm për ta ndihmuar Ukrainën që të mbrohet nga agresioni rus, që nuk po zgjedh mjete për të pushtuar qytete të tëra.

Madje shpesh objektiv janë ndërtesat kolektive ku qindra civilë – pra gra, fëmijë e pleq e pësojnë me jetë nga bombat e tyre.

E ekipet e shpëtimit janë akoma në kërkim të mbijetuarve të mundshëm të sulmit rus mbi qendrën tregtare në Kremchuk, ku dhjetëra civilë humbën jetën dhe shumë tjerë u plagosën. /Telegrafi/