“Njerëzit e mëdhenj nuk vdesin kurrë”, dokumentar në përkujtim të themeluesit të KB Peja, Agim Lluka
Ishte data 13 mars e vitit 1993 kur Agim Lluka së bashku me Valdet Spahinë dhe disa entuziast të tjerë e formuan Klubin e Basketbollit Peja, me synim të vetëm që ky klub të jetë në majat e basketbollit të Kosovës.
Agim Lluka ishte ndër figurat më emblematike të Klubit të Basketbollit “Peja”.
Në vitet e paraluftës, edhe përkundër gjendjes ekonomike dhe politike që mbretëronte në Kosovë, KB Peja duke i’u falënderuar donatorëve të saj e posaçërisht familjes Lluka, ishte klubi më i organizuar në vend.
Angazhimi i Agim Llukës në Klubin e Basketbollit Peja vazhdoi edhe pas përfundimit të luftës.
Në vitin 2001 iu besua pozita e drejtorit të klubit, e kulminacioni u arrit 2 vite më vonë kur në krye me Agim Llukën, Klubi i Basketbollit Peja krijoi skuadrën më të fortë në historinë e basketbollit kosovar, e cila me plotë të drejtë morri epitetin e “Ekipit të ëndrrave” ose “Dream Team”.
Peja e fitoi titullin në Ligen Profesionale të basketbollit, e festa e cila zgjati deri në orët e mëngjesit në sheshin e qytetit do të mbetet e paharruar me vite të tëra.
Peja për shumë vite vazhdoi të qëndronte në majat e basketbollit kosovar, me ulje e ngritje por gjithmonë kishte afër nismëtarin e saj, Agim Llukën.
Fal angazhimit dhe sakrificës së madhe të Agim Llukës në kohërat më të vështira, sot Klubi i Basketbollit Peja është klubi më i organizuar dhe i dyti me i trofeshmi në Kosovë.
Roli i tij ka qenë dhe do të mbetet me vlerë në zhvillimin e sportit në përgjithësi dhe basketbollit në veçanti, jo vetëm në qytetin e Pejës por në të gjithë Kosovën.
Miqtë dhe bashkëpunëtorët e kujtojnë rolin e Agimit në ngritjen e Klubit të Basketbollit “Peja”.
“Rrugëtimi ynë ka filluar në vitin 1993 kur u themelua Klubi i Basketbollit “Peja”. Mund të them se Agimi ka qenë një person që ka reflektua në mesin e lojtarëve dhe klubit”, kujton Valdet Spahia fillimet e KB Pejës.
“80 % të financave te KB Peja i ka siguruar Agimi dhe për këtë arsye klubi asnjëherë nuk ka pasur probleme me financa”, shton tutje Spahia për RTV Dukagjinin.
Kryetari i KB Peja, Fatmir Gashi thotë se Agim Lluka pavarësisht se kishte kryer punët ai ishte modest dhe nuk dëshironte të ekspozohej.
“Kryesori dhe iniciatori i themelimit të KB Pejës ishte Agim Lluka. Ai diti të mbledh të gjithë aktorët kryesorë të sportit në Pejë duke filluar nga Valdet Spahiu, Turhan Zajmi, Bujar Loci, pastaj edhe shokët e vet Ilhami Gashi, Nesim Gjukën e ndjerë, Riza Gjakovën e ndjerë etj. Të gjithë këta Agimi arriti t’i mbledh dhe në mars të vitit 1992 themeluan KB Pejën”, rrëfen Fatmir Gashi.
Bujar Loci kujton momentin kur në një kafiteri filloi iniciativa për themelimin e KB Pejës.
“Agimi ishte strumbullari i klubit, kurse ne tjerët ishim aty për të kontribuar…Ai na motivonte më shumë që të kontribojmë në sportin kosovar”, thotë Loci.
“Pos që ishte njëri prej themeluesve të KB Pejës, Agimi ishte ai që me gjithë qenien e tij ka kontribuar në basketboll, normal në klubin e tij të zemrës. Por ka ndihmuar edhe klubet tjera në ngritjen e nivelit të lojës dhe organizimit”, tregon anëtari i Bordit i Klubit Basketbollistik Prishtina, Shkëlzen Fetiu.
Fetiu thotë se Agimi ishte aktiv edhe në Prishtinë duke kontribuar në Klubin e Bastetbollit Universiteti.
Ilhami Gashi thotë se Agimi ka pasur kapacitete të mjaftueshme për jetën, kulturën, sportin e arkitekturën.
“Ai është edhe autor i emblemës së KB Peja. Kompania Dukagjini ka mbajtur barrë kryesore të financimit të klubit. Unë Agimin e quaj intelektual i heshtur sepse ai kurrë nuk është imponuar, por ka ditur çfarë ka kërkuar”, deklaroi Gashi.
Kryetari i Federatës së Basketbollit të Kosovës, Arben Fetahu thotë se Agimi bashkë me Familjen Lluka kanë mbajtur gjallë basketbollin pejan gjatë periudhave të vështira.
“Të thuhet diçka është e pamundshme pa lënë edhe diçka çfarë ka bërë Agim Lluka për basketbollin e Kosovës”.
Osman Breca thotë se me Agimin kanë qenë rival shumë të shëndoshë.
“Kemi bërë batuta të shumta para ose pas lojës. Batuta ka pasur edhe kur na kanë mundur edhe kur i kemi mundur”, deklaron Breca.
Bashkëpunëtorët tregojnë se pavarësisht se Peja kishte një skuadër të fortë, edhe kur ka pësuar humbje Agim Lluka i ka ngushëlluar dhe u ka dhënë kurajo./Telegrafi/
Lufta Prigozhin - Putin
Më shumëNga Rubrika
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Zyrtare: Bundesliga me pesë skuadra në Champions duke iu falënderuar Dortmundit
UEFA zbulon lojtarin më të shpejtë për këtë edicion në Ligën e Kampionëve
Mohamed Salah thyen heshtjen në rrjetet sociale pas përplasjes që kishte me Jurgen Klopp
Tifozët kanë mbetur të shokuar me pritjen që iu bë Toni Kroosit në ‘Allianz Arena’
A di të ndalet ky Ronaldo? Çfarë goli me këmbën e majtë
Tifozët e Real Madridit kanë mbetur të habitur me praninë e ‘lojtarit misterioz’ me ekipin në Gjermani
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit