LAJMI I FUNDIT:

Një britanik zhduket në malin më të lartë në botë, familja kërkon ndihmë financiare për të nisur operacionin e kërkimit të tij

Një britanik zhduket në malin më të lartë në botë, familja kërkon ndihmë financiare për të nisur operacionin e kërkimit të tij

Një britanik dyshohet se ka vdekur pasi është zhdukur në malin Everest.

Dan Paterson, 40 vjeç, ka ngjitur majën e Everestit më 21 maj, por sipas partneres së tij, që nga ajo ditë nuk kanë dëgjuar më për të.

Pamjet e publikuara në internet tregojnë se është rritur numri i njerëzve në radhë për ta ngjitur malin, gjë që thuhet se po i vë në rrezik alpinistët.

Bëhet e ditur se partnerja e Paterson ka krijuar një faqe në internet ku bën apel për ta gjetur të dashurin e saj, dhe kërkon ndihmë financiare nga njerëzit për shkak se helikopteri dhe ekipet e specializuara të kërkimit ka të ngjarë të kushtojnë rreth 150 mijë paund.

Go Fund Me deri tani ka arritur në 105 mijë paund, shkruan skynews, përcjell Telegrafi.

Aty shkruhet: “Emri im është Becks Woodhead dhe jam partnerja e Dan Paterson. Familja e Danit dhe unë kemi nevojë urgjente për ndihmën tuaj. Tragjikisht, gjatë zbritjes së tij nga mali, Danieli u zhduk dhe që atëherë nuk kemi pasur asnjë kontakt. Ne po mobilizojmë çdo burim që mundemi për të gjetur Danin. Kryerja e një operacioni kërkimi dhe shpëtimi në Everest është një përpjekje tepër komplekse dhe e kushtueshme. Ne nuk jemi ekspertë në këtë dhe nuk ka asnjë garanci për sukses”.

Siç raportohet, zhdukja e Paterson vjen pas një rrëshqitjeje bore dhe akulli në mal.

Mendohet se një masë e mbingarkuar e borës së ngurtësuar është shembur dhe ka tërhequr zvarrë disa alpinistë.

Ndryshe, mbipopullimi në malin më të lartë në botë thuhet të jetë njëri prej fajtorëve për rritjen e numrit të vdekjeve aty, me ndryshimet klimatike që mendohet se luajnë një rol në bërjen e udhëtimit më të rrezikshëm.

Alpinisti Alan Hinkes, i cili arriti ngjiti majën e Everestit në vitin 1996, tha: “Ju mund të mbijetoni vetëm për disa orë në atë lartësi. Është zona e vdekjes, për shkak të mungesës së oksigjenit, presionit të ajrit dhe temperaturave vërtet të ftohta.

“Pra, të rrish në një nga ato radhë nuk është një ide e mirë, sepse ngadalë vdes.”

Të paktën 12 persona kanë vdekur duke u ngjitur në mal vitin e kaluar. /Telegrafi/

Në trend Botë

Më shumë
Çfarë tha Stoltenberg teksa theksoi se NATO është në bisedime për t’i vënë armët bërthamore në gjendje gatishmërie?

Çfarë tha Stoltenberg teksa theksoi se NATO është në bisedime për t’i vënë armët bërthamore në gjendje gatishmërie?

Botë
Si dhe pse përplasen tufat e shpendëve me aeroplanët?

Si dhe pse përplasen tufat e shpendëve me aeroplanët?

Botë
Shpërthim i madh në qytetin rus

Shpërthim i madh në qytetin rus

Evropa
E kishte nxjerrë për shëtitje në oborrin e Shtëpisë së Bardhë, qeni i presidentit amerikan kafshon një agjent të Shërbimit Sekret

E kishte nxjerrë për shëtitje në oborrin e Shtëpisë së Bardhë, qeni i presidentit amerikan kafshon një agjent të Shërbimit Sekret

Amerika
Festimet e Kurban Bajramit – imazhe nga disa vende të botës

Festimet e Kurban Bajramit – imazhe nga disa vende të botës

Botë
Autoritetet gjermane japin detaje rreth “konfiskimit më të madh të drogës së klasit A që Evropa ka parë ndonjëherë”

Autoritetet gjermane japin detaje rreth “konfiskimit më të madh të drogës së klasit A që Evropa ka parë ndonjëherë”

Botë
Kalo në kategori