Nga largimi prej Interit dhe refuzimi i Tottenhamit deri tek favoritët e Euro 2020 dhe puna e Inzaghit – Conte flet për të gjitha
Antonio Conte ka goditur përsëri Presidentin e Interit, Steven Zhang, duke thënë se projekti i tij kurrë nuk ka ndryshuar, teksa tregon se kalimi i tij te Tottenhami nuk dështoi për arsye ekonomike.
Taktiku italian fitoi titullin në Serie A me Interin para se të ndahej me Nerazzurrët. Zhang e kishte shpjeguar largimin e trajnerit duke thënë se pikëpamjet e tyre të ndryshme mbi atë situatë çuan drejt ndarjes.
Pas një pushimi të shkurtër me ish-trajnerin e Juventusit Andrea Pirlo në Ibiza, Conte, i cili është kthyer në Milano, u kundërpërgjigj Presidentit të Interit në një intervistë të lëshuar nga La Gazzetta dello Sport.
“Ajo që mund të them është se projekti im nuk ka ndryshuar kurrë, por do të ishte e pakuptimtë të diskutohet për këtë tani. Nuk dua të krijoj polemika ose të flas për transferime. Unë e respektoj Zhang dhe e falënderoj që më zgjodhi. E dua Interin, klubin dhe tifozët e tyre”, ka thënë fillimisht Conte.
“I uroj fatin më të mirë Simone Inzaghit sepse ai është një trajner shumë i talentuar dhe ambicioz, i uroj gjithë të mirat Nerazzurrëve”.
Ish-Presidenti i Interit, Massimo Moratti kishte qenë gjithashtu kritik ndaj Contes, duke thënë se atij i mungonte lidhja emocionale me klubin dhe gjithashtu dëshira për një sfidë.
“Nuk mund te mohoj se fjalët e tij më lanë të hidhëruar dhe të zhgënjyer. Moratti është i zgjuar dhe me klas dhe përfaqëson historinë e Interit së bashku me familjen e tij. Sidoqoftë, ne folëm në telefon dhe ai kërkoi falje sepse këto fjalë nuk reflektonin mendimet e tij reale”.
“Kush më njeh është i vetëdijshëm për lidhjen e fortë që kam për çdo skuadër që trajnoj. Unë jap gjithçka kudo që shkoj. Dikush largohet nga skuadrat dhe lojtarët ndihen të lodhur që i kanë dhënë të gjitha. Unë gjithmonë lë lojtarë të rinj dhe të përmirësuar dhe grupe të bashkuara me një mentalitet fitues”, shtoi 51-vjeçari.
Ish-tekniku i Juventusit dhe Chelseat gjithashtu bëri të qartë se ai kurrë nuk i ka bazuar vendimet e tij në para.
“Tregu përcakton çmimin, por sikur të isha fiksuar nga paratë, do të kisha qëndruar atje ku isha në të kaluarën. Unë do të kisha pranuar kompromise dhe të kisha marrë kontrata të reja”.
“Nga ana tjetër, unë kërkoj projekte dhe jam gati të qëndroj në shtëpi nëse diçka nuk më bind. Ka të bëjë me vizionin, ndershmërinë dhe parimet”.
Conte kishte qenë në bisedime me Tottenham pas largimit nga Interi. Edhe pse ai nuk u pyet posaçërisht në lidhje me negociatat me Spurs, 51-vjeçari shpjegoi pse ai refuzoi ofertat që nuk e bindën atë.
“Në përgjithësi, më pëlqejnë sfidat dhe kam pranuar shumë prej tyre gjatë karrierës time. Edhe klubi më i mirë që unë kam trajnuar nuk ishte kurrë favoritë kur arrita. Sidoqoftë, nëse ka diçka që nuk më bind, unë preferoj të mos pranoj pavarësisht parave”.
Conte gjithashtu komentoi Kampionatin Evropian 2020 i cila fillon nesër (e premte).
“Mancini është duke bërë një punë të jashtëzakonshme, ai krijoi një grup të madh dhe të bashkuar i cili nuk është i lehtë. Është grupi që rrit lojtarin e vetëm dhe talentin e tij. Lojtarët kryesorë nuk janë të mjaftueshëm për të fituar, përveç nëse ju quheni Pele ose Maradona”.
“Shpresoj se Italia mund të shkojë sa më larg që të jetë e mundur, pasi të kalojmë fazën e grupeve, na duhet edhe pak fat dhe gjithçka mund të ndodhë”.
Por, kush janë favoritët për të fituar Euro 2020?
“Franca dhe Gjermania janë në rreshtin e parë, pastaj Belgjika, Spanja, Portugalia dhe Anglia”, përfundoi trajneri italian. /Telegrafi/
Lufta Prigozhin - Putin
Më shumëNga Rubrika
“Ka pasur momente kur kam qenë më i mirë se Messi” – Enis Bardhi tregon se krahasimet me argjentinasin e bëjnë krenar
Mësohet shuma e parave që Ten Hag do të ketë në dispozicion për blerje gjatë verës
Leicester City fiton rikthimin në Ligën Premier pa e zhvilluar ndeshjen
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zbulohet favoriti i ri për të fituar Topin e Artë 2024: Haaland mbetet mbrapa në garë
Leicester City fiton rikthimin në Ligën Premier pa e zhvilluar ndeshjen
Juventusi mëson çmimin që duhet të paguajë për transferimin e Edon Zhegrovës
Mjafton goli i Guler, Real Madridi arkëton tri pikë në udhëtim tek Real Sociedadi
Mësohet shuma e parave që Ten Hag do të ketë në dispozicion për blerje gjatë verës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre