Nga 67 milionë për Kroos-Modric-Casemiro në 210 milionë për Camavinga-Tchouameni-Bellingham

Casemiro, Toni Kroos dhe Luka Modric formuan një mesfushë të papërsëritshme, ajo që i ka lejuar Real Madridit të dominojë Evropën, siç vërtetohet nga pesë triumfet e Ligës së Kampionëve me ta të pranishëm në fushë, përveç shumë titujve të tjerë vendor dhe ndërkombëtar.

Drejtuesit dhe trajnerët madrilen prej disa kohësh po përpiqen t’i japin vazhdimësi një kombinimi të papërsëritshëm dhe që vitet e fundit të bashkëjetesës patën ndihmën e Federico Valverdes në veçanti, plus atë të Dani Ceballos.

Ky kërkim për një mesfushë të re filloi fillimisht me ardhjen e Edouardo Camavinga, i ndjekur nga ardhja e Aurelien Tchouameni  dhe do të mbyllet në momentin kur Jude Bellingham njofton ardhjen e tij në Madrid, diçka që mund të ndodhë javën e ardhshme. Të tre janë pjesë e atij futbolli të ri që ndërthur fuqinë me teknikën, aq në modë për momentin.

Rezultati i përzierjes nuk do të dihet pas pak kohësh, por e vërteta është se Real Madridi ka arritur, falë mënyrës së tij të procedimit më shumë se paratë, tre nga mesfushorët më të kërkuar.

Modric dhe Kroos do të jenë me ta edhe për të paktën një sezon më shumë për të arritur atë ekuilibër shumë të nevojshëm mes cilësisë, forcës dhe veshjes së fanellës së Real Madridit.

Ishin kohë të ndryshme, jo shumë të largëta, por ardhja e Casemiros nënkuptonte një disbursim prej shtatë milionë eurosh për Real Madridin në vitin 2013, por kurioziteti është se ishte Jose Mourinho atëherë trajner kur u ble braziliani. Verën e kaluar ai u transferua te Manchester United në këmbim të 70 milionë eurove.

Një vit më parë, Modric u shfaq për Real Madridin dhe gjithashtu me kërkesë të shprehur të Mourinhos. Kushtoi 35 milionë euro dhe është ende aty, duke demonstruar një nivel konkurrues përtej çdo dyshimi.

Kroos erdhi si kampion bote në verën e vitit 2014 dhe e bëri këtë në këmbim të 25 milionë eurove nga Bayern Munichu. Me fjalë të tjera, të tre kushtuan 67 milionë euro, të amortizuara në pesë Liga të Kampionëve dhe trofe tjerë të La Ligas, Superkupa të Spanjës dhe Evropiane, Kupa të Botës për Klube… dhe me 70 milionë eurot që United pagoi për brazilianin verën e kaluar. Bilanci është pozitiv në tre milionë euro. Menaxhimi i patëmetë.

Të kërkuar nga të gjithë

Kostoja e rindërtimit të mesfushës, pasi të vuloset nënshkrimi i Bellinghamit, do të shkojë në 210 milionë euro.

Camavinga  mund të bëhet pjesë e kategorisë së mundësive të tregut sepse çmimi i ti mezi arriti në 30 milionë euro (një vlerë që tani është shumëfishuar), krahasuar me 80 milionë euro për Tchouameni në qershor 2022, plus 100 milionët e fiksuara në atë që do të nisë ardhjen e anglezit.

Rezultatet do të tregojnë nëse çmimi i paguar për këtë mesfushë të re ia ka vlejtur, por nuk ka dyshim se tre blerjet janë futbollistë të kërkuar nga të gjithë dhe që kanë preferuar të veshin fanellën e Real Madridit mbi çdo tjetër.

Mençuria e Ancelottit, plus Kroos dhe Modric nga lidershipi i tij, plus prania e Valverdes do të japin atë prekje të përvojës së Real Madridit, diçka që Camavinga tashmë po e merr, por jo edhe Tchouameni.

/Telegrafi/