Pronarët në ardhje të Newcastle United ende e kanë Mauricio Pochettino në krye të listës së ngushtë për të emëruar menaxher të skuadrës.

Klubi anglez është tash e disa muaj në diskutime për t’u shitur te konsorciumi i mbështetur nga Fondi i Investimeve Publike të Arabisë Saudite me në krye Mohammad bin Salman.

Sipas gazetës Sport, Newcastle ka përpiluar një listë të shkurtër prej katër emrash trajnerësh për të marr drejtimin e ekipit nga Steve Bruce, pasi klubi të shitet zyrtarisht.

Newcastle duhet t'i paguajë Tottenhamit 12 milionë euro nëse dëshiron ta marrë Pochettinon si trajner Newcastle duhet t'i paguajë Tottenhamit 12 milionë euro nëse dëshiron ta marrë Pochettinon si trajner

Pochettino është zgjedhja e tyre e parë, me argjentinasin në dispozicion për të marrë rolin menjëherë pasi u shkarkua nga Tottenham Hotspur në fillim të këtij sezoni.

Ish-trajneri i Laraskave, Rafa Benitez është gjithashtu në listën e ngushtë, pasi ndihet ende i adhuruar në St James Park.

Dy emrat tjerë në listë janë edhe ish-trajneri i Juventusit, Massimiliano Allegri dhe trajneri aktual i RB Leipzig, Julian Nagelsmann. /Telegrafi/