Portieri i Real Madridit, Thibaut Courtois ishte padyshim lojtari më i mirë në finalen e Ligës së Kampionëve 2022 ndaj Liverpoolit, duke bërë plot nëntë pritje vendimtare gjatë 90 minutave.

Të shtunën mbrëma kemi qenë dëshmitarë të një prej paraqitjeve më të mira të portierëve të të gjitha kohërave, mos thënë më e mira ndonjëherë.

Në atë që ishte një ndeshje e ngushtë në Stade de France, Courtois ishte përfundimisht krijuesi i diferencës, duke bërë nëntë pritje kundër Liverpoolut për të ndihmuar Los Blancos të fitojë trofeun për herë të 14-të.

Courtois flet pas finales së fituar në Paris: Ishte mëse e merituar, në Angli nuk më kanë respektuar Courtois flet pas finales së fituar në Paris: Ishte mëse e merituar, në Angli nuk më kanë respektuar

Një goditje e minutës së 59-të nga sulmuesi brazilian Vinicius Jr vulosi një fitore historike për skuadrën spanjolle, e cila ka sfiduar shanset në shumë raste gjatë gjithë garës së këtij sezoni, por ishte heroizmi i Courtois që mbajti skuadrën e Carlo Ancelottit në lojë.

Nga pritjet kryesore të pjesës së parë për të mohuar Sadio Mane , tek realizimi i një prej pritjeve më të mira të sezonit kundër Mohamed Salah në fund të ndeshjes – belgu bëri historinë e finales së Ligës së Kampionëve me këtë statistikë mjaft të mrekullueshme.

Më poshtë keni disa video që tregojnë heroizmat e Courtios me pritjet e tij vendimtare që dërguar Real Madridin në triumfin e finales së Ligës së Kampionëve. /Telegrafi/