“I ndjek të gjitha ndeshjet e tyre”- Kessie pranon se i mungon koha kur ishte futbollist i Barcelonës
Pasi ishte transferuar tek Barcelona si lojtar i lirë nga Milani gjatë verës së vitit 2022, Franck Kessie nuk arriti të gjejë një vend startues gjatë kohës së tij në Kataloni.
Megjithatë, në sezonin e tij të vetëm ai ndihmoi klubin të fitonte titullin e La Ligas, për herë të parë në katër vitet e fundit si dhe Superkupën e Spanjës.
Kessie u largua nga Barcelona gjatë afatit kalimtar veror për t’u bërë pjesë e skuadrës arabe Al-Ahli dhe duke iu bashkuar grupit masiv të lojtarëve që janë larguar nga Evropa në favor të Lindjes së Mesme.
Kalimi i tij në Arabi ishte një marrëveshje që e ndihmoi Barcelonën të lehtësonte disi problemet e saj financiare, pasi ata fituan 12 milionë euro nga shitja e mesfushorit nga Bregu i Fildishtë.
Pavarësisht se ishte pjesë e Barcelonës vetëm për 12 muaj, Kessie tha se ndihej si në shtëpinë e tij në Kataloni dhe se ende vazhdon t’i ndjek të gjitha ndeshjet e tyre.
“Më mungon ngrohtësia e Camp Nou dhe mbështetja e tifozëve. Të luash në një stadium si Camp Nou, i cili është një stadium me 100 mijë ulëse… Nuk ka shumë të tillë në Evropë”, ka thënë fillimisht Kessie për mediumin katalan Sport.
“Kam kujtime shumë të mira nga koha ime te Barça. Kam fituar dy tituj në sezonin tim të parë, Superkupën dhe Ligën. Dhe gjithashtu kam kujtime shumë të mira për qytetin, stafin e trajnerëve dhe lojtarët e mëdhenj të cilët i kam takuar. Unë i ndjek të gjitha ndeshjet e tyre dhe përpiqem t’u jap mbështetjen time nga distanca”, shtoi ai.
Kessie dha gjithashtu opinionin e tij për gjendjen aktuale të Barcelonës, mes kritikave nga mediat për paraqitjet e tyre të fundit.
“Unë mendoj se Barcelona ka një ekip të mirë me lojtarë të mrekullueshëm. Ka lojtarë të rinj që po fitojnë forcë, si Lamine Yamal. Sot, Barcelona ka një ekip të madh dhe lojtarë të mrekullueshëm. Jam i bindur se këtë sezon ata do të fitojnë sërish një titull”, përfundoi Kessie.
Barcelona do të luajë në vikend në udhëtim ndaj Rayo Vallecanos, ku përveç Gavit i cili tashmë ka humbur sezonin, në dyshim për t’u paraqitur në këtë sfidë mbetet edhe gjermani Ter Stegen i cili po ankohet nga një lëndim./Telegrafi/
Lufta Prigozhin - Putin
Më shumëUEFA theu protokollin gjatë vendimit të VAR-it në përballjen mes Real Madridit dhe Bayern Munichut
Polemika për golin e anuluar të Bayernit: Ishte apo jo pozicion jashtë loje?
Matthijs de Ligt: “Gjyqtari anësor më tha - 'Më falni, bëra një gabim'"
"Lutuni për RS" - çfarë do të thotë mesazhi i Rodrygos nën fanellën e tij
Veprim skandaloz në Bernabeu: Dy topa në fushë, lojtarët e Bayernit konfrontohen me gjyqtarin - Reali tentoi të shënonte gol
Bellingham u pyet se kush është lojtari më i mirë me të cilin ka luajtur, ai zgjedh dy
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend