Në territorin e qytetit të Shkupit, dje nën kontrollin e policisë janë gjobitur 150 vozitës, 21 prej tyre për mos posedim të patentë shoferit.

Siç njofton Ministria e Punëve të Brendshme, janë shqiptuar 19 sanksione për drejtim mjeti me shpejtësi më të madhe se shpejtësia e lejuar, 15 për kundërvajtje nga drejtuesit e motoçikletave, pesë gjoba për përdorim të celularit, tetë për automjete të paregjistruara, katër për automjete me defekte teknike në transportin publik, tre sanksione për drejtim mjeti nën ndikimin e alkoolit dhe pesë gjoba për kalim në semafor të kuq.

MPB bën me dije se kontrollet e intensifikuara aksionare të policisë do të vazhdojnë, ndaj apelojnë qytetarët që të respektojnë rregullat dhe rregulloret e qarkullimit rrugor për të rritur sigurinë në komunikacion.

Reklama
Reklama