Jose Mourinho e ka bërë të dukshme praninë e tij në Romë pasi thuhet se ka dëbuar tetë lojtarë të njohur të ekipit të parë nga dita e parë e trajnimit para-sezonal të klubit italian.

Menaxheri 58-vjeçar portugez kishte bërë kthimin e tij të bujshëm në menaxhim pasi u shkarkua nga Tottenham Hotspur në muajin prill.

Periudha zhgënjyese 17-mujore e Mourinhos në klubin anglez mori fund vetëm disa ditë para humbjes 1-0 të Spurs ndaj Manchester Cityt në finalen e Carabao Cup.

Mourinho mbërrin në Romë, mbi 500 tifozë në aeroport për ta pritur 'Special One' Mourinho mbërrin në Romë, mbi 500 tifozë në aeroport për ta pritur 'Special One'

Roma kaloi një sezon zhgënjyes pasi përfunduan në vendin e shtatë në Serie A dhe u eliminuan nga Manchester Unitedi në gjysmëfinale të Ligës së Evropës.

Mourinho, i cili pasoi trajnerin Paulo Fonseca te Roma, mori rolin e tij të ri në klubin italian në 1 korrik dhe po përgatit një s’pastrim të madh këtë verë.

Sipas mediumi Sky Sport Italia, ‘Special One’ ka larguar tetë lojtarë nga pjesëmarrja në stërvitjen e ekipit të parë të Romës pasi ata nuk përshtaten në planet e tij.

Një nga emrat më befasues është holandezi Justin Kluivert, i cili u nënshkrua nga Ajaxi në një marrëveshje fillestare prej 15.16 milionë funtesh në vitin 2018.

Ish-ylli i Barcelonës dhe Chelseat, Pedro është një tjetër lojtar të cilit i është thënë se ai mund të largohet nga Roma në verë.

Sky Italia raporton gjithashtu gjashtë lojtarët e tjerë që Mourinho dëshiron të shesë: Ante Coric, Robin Olsen, Davide Santon, Javier Pastore, Steven Nzonzi dhe Federico Fazio.

Fjalët e para të Jose Mourinhos si trajner i Romës: Pres që klubi të më bëjë dhuratë në këtë afat kalimtar Fjalët e para të Jose Mourinhos si trajner i Romës: Pres që klubi të më bëjë dhuratë në këtë afat kalimtar

Mourinho, i cili ka qenë një ekspert gjatë kësaj vere në Euro 2020, pritet të përforcojë skuadrën e Romës në afatin kalimtar me fondet që vijnë nga këto tetë largime dhe me disa tjera të planifikuara nga drejtuesit.

Ish-menaxheri i Interit dhe Real Madridit thuhet se është i etur për të zbritur yllin shqiptar të Arsenalit, Granit Xhaka dhe portierin e Ëolves, Rui Patricio. /Telegrafi/