Marc Marquez triumfoi në ndalesën e radhës së Botërorit të MotoGP, në Le Mans të Francës duke regjistruar suksesin e tij të tretë radhazi në këtë sezon.

Piloti spanjoll triumfoi në një pistë, ku Honda nuk është aspak favorite duke u dhënë një sinjal të fortë kundërshtarëve të tij.

Marquez e mori kontrollin e garës nga mesi i saj për të vënë më pas diktatin e tij, transmeton TCH.

Gjërat u bënë akoma më të lehta për spanjollin 25-vjeçar nga rrëzimet e Andrea Doviciozos dhe Johan, të cilët në fund u detyruan të tërhiqen nga gara per shkak të rrëzimeve.

Në vendin e dytë në këtë garë u rendit Danilo Petrucci i ndjekur nga Valentino Rossi.

Pas Çmimit të Madh të Francës, renditja për pilotë kryesohet nga Marquez me 95 pikë, i ndjekur nga Vinjales me 59 në vendin e dytë dhe Johan Zarko në të tretin.

Dovizioso ka zbritur në vendin e tetë me 49 pikë më pak se Marc Marquez.