Mirsa Kërqeli rikthehet shumë shpejt me projekte të reja: Kam pauzuar për fëmijët e mi

Këngëtarja nga Gjilani, Mirsa Kërqeli, tash e disa vite nuk ishte parë në ekranet tona me këngë e videoklipe te reja. Pauza e saj e gjatë në muzikë vjen, pasi ajo mori epitetin më të bukur në botë, atë të nënës. 31-vjeçarja është e martuar prej vitesh me Granitin, me të cilin ka edhe dy fëmijë, Tiarin dhe Anën.

Verën e kaluar ajo ishte rikthyer në skenën tonë muzikore me disa ‘cover’ të realizuara në bashkëpunim me këngëtarin e njohur, Butrint Rashiti. Dyshja sollën një nostalgji të madhe me ripërpunimin projekteve të vjetra që edhe sot pëlqehen mjaft shumë nga publiku.

Në një intervistë për Telegrafin, Mirsa vjen për të rrëfyer largimin e saj nga muzika, rikthimin në skenë dhe jetën private. Ndër të tjerash, Kërqeli flet edhe për planet e saj në të ardhmen dhe ndryshimin e muzikës ndër vite.

Pas një pauze të gjatë në muzikë jeni rikthyer me disa ‘cover’ , kur do e shohim një këngë me videoklip nga Mirsa Kërqeli?

Po shpresojë që në pushimin e parë që do të jem në Kosovë këtë vit, ndoshta pas sezonit të verës, mirëpo nuk ka asgjë definitive.

Tash e një kohë jeni larguar nga Kosova, a ishte kjo arsyeja e largimit edhe nga muzika?

Arsyeja kryesore që kam pauzuar tash e sa kohë nga muzika janë, fëmijët e mi. Përkushtimi ndaj tyre më ka bërë që të lë anash karrierën time, ndërsa Kanada është një problem në vete për shkak të largësisë së madhe me Kosovën.

Bashkëpunimet e juaja të dikurshme ishin mjaft të pëlqyera nga publiku, do kemi të tilla sërish?

Gjithmonë më kanë pëlqyer bashkëpunimet, jo vetëm për vete, por edhe nga këngëtarët e tjerë, mendoj se i jep një shije tjetër këngës dhe e bënë edhe më të mirë kur ajo ka më shumë se një vokal brenda saj. Prandaj po shpresoj dhe dëshiroj që të bëjë bashkëpunime sapo të rikthehem.

Si e vlerësoni muzikën në ditët e sotme, sa ka ndryshuar nga koha kur ju ishit në skenë?

Sot muzika është shumë më ndryshe se para 13 vitesh kur unë fillova të këndojë. Është më konkurruese, ka shumë më shumë punë, më shumë bashkëpunime plus saj mendoj se është stërmbushur me këngëtarë, prandaj edhe publiku shumë lehtë të ngrit ose të largon apo harron fare, nëse puna jote nuk është në nivelin e preferencave të tyre. Prandaj muzika e sodit, lyp shumë shumë punë.

Tashmë jeni nënë e dy fëmijëve, si e përshkruani këtë periudhë në jetën tuaj?

Periudha më e rëndësishme dhe më e lumtur e jetës time, gjithçka kam dhe gjithçka do të bëja, prapë do e jepja këtë kohë për fëmijët e mi, çdo gjë në jetë ka rëndësi tash me ta, ata janë qershia mbi tortë. Thjesht ndihem e bekuar, faleminderit Zotit.

View this post on Instagram

Me💙💙

A post shared by Mirsa Kerqeli (@mirsakerqelii) on Jul 18, 2017 at 9:41pm PDT

Cilat janë planet e juaja për të ardhmen, çfarë do të presim në vijim nga Mirsa?

Shpresoj të rikthehem këtë vit, me këngë dhe videoklip, besoj dhe shpresoj shumë se do të më ecin punët si i kam menduar. Shpresoj që të rikthehem aq fuqishëm dhe me projekte të mira shumë shpejt, sa fansat të më falin për mungesën e gjatë në skenë.

Mirsa, faleminderit që ishte pjesë e intervistës, mesazhi juaj për gjithë lexuesit e Telegrafit?

Faleminderit për kohën dhe përkushtimin, ju përshëndes të gjithëve dhe shumë suksese më tutje.

/Telegrafi/