Milani ka humbur nga Cagliari me rezultat 2-1 në ndeshjen e fundit të sezonit 2016/17 në Serie A.
Goli i parë në ndeshje erdhi në minutën e 17 me anë të Joao Pedros, i cili shënoi për 1-0 pas asistimit të Marco Boriellos.
Në vazhdim të kësaj pjese Milani u mundua të barazoj rezultatin, por nuk arriti të gjej golin dhe skuadrat shkuan në pushim me këtë rezultat.
Megjithatë, pjesa e dytë ishte shumë më e mirë për Rossonerët, të cilët patën mundësi ideale të barazojnë rezultatin në minutën e 63, por Carlos Bacca u tregua i pasaktë nga penalltia.
Por, goli i barazimit nuk vonoi dhe erdhi pikërisht nga një penallti tjetër në minutën e 72, të cilën e konvertoi në gol Gianluca Lapadula, që barazoi rezultat në 1-1.
Deri në fund të ndeshjes, pati edhe disa raste nga të dy skuadrat për të shënuar golin e fitores, por ishin vendasit që shënuan në minutat shtesë me anë të Fabio Pisacane, i cili vulosi rezultatin përfundimtar 2-1, teksa Milani e përfundoi ndeshjen me 10 futbollistë pasi Gabriel Paletta e mori kartonin e dytë të verdhë në minutën e 75. /Telegrafi/
https://www.dailymotion.com/video/x5o6nxr
https://www.dailymotion.com/video/x5o6tw3_carlos-bacca-missed-penalty-fantastic-save-by-luca-costra-cagliari-1-0-ac-milan-28-05-2017-hd_sport
https://www.dailymotion.com/video/x5o6usg_gianluca-lapadula-penalty-goal-hd-cagliari-1-1-ac-milan-28-05-2017-hd_sport
https://www.dailymotion.com/video/x5o6wvc_fabio-pisacane-goal-hd-cagliari-2-1-ac-milan-28-05-2017-hd_sport
