Legjenda e futbollit egjiptian, Ahmed Hossam Mido mendon se trajneri i Romës, Jose Mourinho do të kthehet në Real Madrid dhe do të nënshkruajë me yllin e Liverpoolit, Mohamed Salah.

Në një postim në Tëitter, Mido shtoi se do të ishte i lumtur të shihte fituesin e Këpucës së Artë të Ligës Premier të luante nën drejtimin e trajnerit portugez te gjigantët spanjollë.

“Kam një ndjenjë që Mourinho do të kthehet në Madrid dhe do të nënshkruajë me Salah. Do të doja të shihja Salah duke luajtur për Real Madridin nën drejtimin e Joses”, ka shkruar Mido në Twitter.

Komenti i Midos është befasues duke pasur parasysh se një Salah më i ri kishte vështirësi për t’u futur në skuadrën e Chelseat nën drejtimin e Mourinhos dhe ka pikëpyetje nëse egjiptiani do t’i përshtatej stilit taktik të trajnerit portugez.

Megjithatë, të mërkurën, Salah konfirmoi angazhimin e tij ndaj Reds për së paku edhe një sezon.

“Nuk dua të jem egoist. Jam i fokusuar vetëm te ekipi, me të vërtetë. Nuk dua të flas për kontratën. Kemi një kohë të gjatë. Unë do të qëndroj sezonin e ardhshëm me siguri”, ka thënë fillimisht Salah.

“Kjo është e qartë. Unë do të qëndroj sezonin e ardhshëm. Le të shohim pas kësaj”.

Në dëshirën e tij në Ligën e Kampionëve, Salah deklaroi se të gjithë në Liverpool janë të motivuar për finalen e 28 majit në Paris.

Salah konfirmon qëndrimin te Liverpooli për të paktën edhe një vit: Nuk mendoj për kontratë, por për trofeun e Ligës së Kampionëve Salah konfirmon qëndrimin te Liverpooli për të paktën edhe një vit: Nuk mendoj për kontratë, por për trofeun e Ligës së Kampionëve

“Jam shumë i motivuar. Mendoj se pas asaj që ndodhi me Madridin herën e fundit, dhe gjithashtu asaj që ndodhi të dielën në Ligën Premier, të gjithë janë të motivuar për të fituar Ligën e Kampionëve, sepse ky është një trofe i pabesueshëm për ne”.

“Mendoj se çdo sezon ne luftojmë për të që kur erdha këtu, mendoj se të gjithë janë të emocionuar për të”, përfundoi ylli i Liverpoolit.

Liverpooli do të shpresojë të fitojë tripletën brenda këtij sezoni pasi ka parë përfundimin e ëndrrës për katër trofe në ditën e fundit të Ligës Premier.

Reds do të kërkojnë të fitojnë Ligën e Kampionëve për herë të shtatë në historinë e tyre, pasi një fitore në Paris do t’i barazonte ata me Milanin me 7 kupa dhe do t’i linte ata vetëm pas Real Madridi me 13 kupa. /Telegrafi/