Lionel Messi mbrëmë ka fitua Topin e Artë të gjashtë në karrierë.

Ylli argjentinas u bë lojtari i parë në histori të futbollit që e fiton trofeun e madh për të gjashtën herë, duke lënë pas vetes Cristiano Ronaldon që ka pesë.

32-vjeçari madje është përgjigjur edhe në pyetjen se a do të largohet nga Barcelona në të ardhmen, derisa me deklaratën e tij ka qetësuar tifozët blaugranas.

“Njerëzit më njohin dhe e dinë që nuk ka asnjë problem me këtë çështje. Ajo që ndiej për këtë klub tejkalon çdo nënshkrim, çfarëdo kontrate apo çfarëdo letre. Është diçka më shumë, dua të jem mirë ndërsa jam te Barça”, ka thënë argjentinasi.

“Çmimet individuale nuk janë qëllimi im, gjithmonë e kam thënë dhe përsëritur, megjithatë mbetet një vlerësim shumë i madh për atë që përfaqëson (Topi i Artë). Është një gëzim i madh edhe për shokët e mi të skuadrës”.

Lionel Messi, fiton Topin e Artë të gjashtë në karrierë Lionel Messi, fiton Topin e Artë të gjashtë në karrierë

“Do të më pëlqente të fitoja edhe disa trofe të Ligës së Kampionëve, disa të Kupës së Amerikës, përpara një çmimi tjetër individual. Është e veçantë sepse po më ndodh në një moment të bukur të jetës sime”.

“Jam shumë i lumtur që po e ndaj me familjen time, është kënaqësi. Shpresoj të luaj edhe shumë vite, por po mbush 33 vjeç dhe kjo varet nga mënyra se si ndihem fizikisht. Sot, faleminderit Zotit që ndihem më mirë se kurrë, emocionalisht dhe fizikisht”, ka shtuar më tej ai. /Telegrafi/