Lionel Messi dëshiron t’i shikojë gjashtë lojtarë të Barcelonës të largohen gjatë afatit kalimtar të verës, pas humbjes 2-1 në finale të Kupës së Mbretit nga Valencia.

Golat e Kevin Gameiros dhe Rodrigos, ishin të mjaftueshme që ‘Los Che’ ta mposhtnin Barçën të shtunën e fundjavës që lamë pas.

Don Balon raporton se Messi nuk është i kënaqur me gjashtë lojtarë te Barcelona, andaj ka kërkuar shitjen e tyre qysh në këtë verë.

Barcelona vs Valencia (Foto: Denis Doyle/Getty Images/Guliver)

Mediumi spanjoll raporton se nga Camp Nou mund të largohen lojtarët, si Ivan Rakitic, Philippe Coutinho, Sergi Roberto, Nelson Semedo, Arthur Melo dhe Kevin-Prince Boateng.

Barcelona ka vuajtur në fund të këtij sezoni, pasi jo vetëm e humbën Kupën e Mbretit, por ata u eliminuan nga Liga e Kampionëve prej Liverpoolit në një mënyrë të turpshme.

Eksperti i futbollit Shaka Hislop mendon ndryshe nga Messi: Fajin e kishte Valverde, jo lojtarët Eksperti i futbollit Shaka Hislop mendon ndryshe nga Messi: Fajin e kishte Valverde, jo lojtarët

Skuadra e Ernesto Valverdes e mbylli sezonin me një trofe të fituar, ndërsa në verë pritet të ndodhin ndryshime të mëdha në skuadrën katalunase. /Telegrafi/