Deontay Wilder tashmë e ka mësuar datën se kur do të përballet me Luis Ortizin për titullin e më të mirit në botë në kategorinë e rëndë.

Kampioni i botës në WBC do të përballet me kundërshtarin e tij më 23 nëntor në Las Vegas, derisa kjo do të jetë përballja e dytë mes tyre.

Në përballjen e tyre të parë, Wilder e kishte nokautuar kubanezin në New York, ndërsa tani do ta zhvillojnë takimin e tyre të dytë.

Boksieri 33-vjeçar, ka një bilanc prej 41 fitoreve dhe një barazimi, të cilin e kishte regjistruar në përballje me Tyson Furyn.

Dhjetë boksierët me goditjet më të fuqishme Dhjetë boksierët me goditjet më të fuqishme

Kujtojmë se kjo përballje do të zhvillohet para përballjes më interesante të vitit 2020, ku Wilderi do të përballet me Tyson Furyn, por deri atëherë mbetet të shihet nëse do të jetë kampion i WBC-së.

Qëllimi i kampionit në fuqi është që të përballet me Anthony Joshuan që në dhjetor do të ripërballet me Andy Ruizin që e mposhti më 1 qershor të këtij vitit dhe i mori tre titujt e kampionit të botës, WBA, WBO dhe IBF. /Telegrafi/