Megjithatë Bayern Munichu dhe Dortmundi nuk i bashkohen Superligës së Evropës

Është formuar Superliga e Evropës për klube, ku 12 skuadra kanë konfirmuar pjesëmarrjen në të.

Manchester United, Manchester City, Arsenal, Chelsea e Liverpool janë nga Anglia, derisa Atletico Madrid, Barcelona, Real Madrid nga Spanja e Inter, Juventus e Milan nga Italia.

Është shkruar se në këtë garë do të futën edhe dy skuadrat gjermane Bayern Munich e Borussia Dortmund si dhe kampioni në fuqi i Francës, Paris Saint Germain.

Por duket se një gjë e tillë nuk do të ndodhë, së paku kështu ka lënë të kuptohet drejtori i verdhezinjve, Hans-Joachim Watzke.

“Ne u mblodhëm të dielën në mbrëmje për një konferencë virtuale dhe konfirmuam gatishmërinë e klubeve të përfshira për të mbështetur reformën e re të planifikuar për Ligën e Kampionëve, duke hedhur poshtë planet për të formuar një Superligë evropiane”, tha Watzke.

“Të dy klubet që përfaqësojnë Gjermaninë, Bayern Munich dhe Borussia Dortmund kanë shprehur të njëjtën pikëpamje”, deklaroi Watzke.

Nga ana tjetër shtëpia më e madhe e futbollit evropian, UEFA ka paralajmëruar se skuadrat që do të marrin pjesë në këtë ligë do të përjashtohen nga UEFA. /Telegrafi/