Mediumi amerikan bën një gabim amatoresk kur kritikon lëvizjen e Lionel Messit në Inter Miami

Tifozët nuk mund ta besojnë atë që tha Brian Kilmeade i Fox News kur foli për kalimin e Lionel Messit në Inter Miami.

Pas javësh spekulimesh intensive, u konfirmua të mërkurën mbrëma se argjentinasi do të transferohet në skuadrën e MLS si lojtar i lirë nga Paris Saint Germain.

Shtatë herë fituesi i Topit të Artë njoftoi vendimin e tij për t’u transferuar në Shtetet e Bashkuara përmes një interviste me mediat spanjolle Diario Sport dhe Mundo Deportivo.

Megjithatë, Kilmeade i Fox News i habiti fansat kur përmendi anglezin David Beckham kur fliste për pengesën e mundshme gjuhësore të Messit.

Ai tha: “E vetmja gjë për të cilën shqetësohem, ai (Messi) nuk flet anglisht dhe unë dua ta shoh atë të ulet dhe të flasë”.

“Një gjë për David Beckham, ai mësoi të fliste anglisht nga ne, me theks, kur erdhi në moshën 32-vjeçare”.

Fansat reaguan shpejt ndaj fjalëve të Kilmeade.

Njëri bëri shaka: “Beckham ishte mjaft i përkushtuar për ta bërë anglishten gjuhën e parë që mësoi. Uroj që Messi të tregojë këtë nivel të përkushtimit dhe profesionalizmit”.

Një tjetër tha: “Nuk mund të them nëse ai bën shaka apo jo”.

I tretë shtoi: “Kjo video nuk është shaka. Prezantuesi ishte serioz”.

Dikush tjetër shkroi: “Një anglez mësoi të fliste anglisht. Ky djalë është një hajdut oksigjeni”.

Kur njoftoi lëvizjen e tij në Miami, Messi tha: “Nuk do të kthehem në Barcelonë, do t’i bashkohem Inter Miamit”. /Telegrafi/

Fox's Brian Kilmeade on Lionel Messi coming to MLS' Inter Miami: "The only thing I worry about, he doesn't speak English, and I want to see him sit down and talk." pic.twitter.com/n1olQWgam4

— The Recount (@therecount) June 9, 2023