Mbretëresha Elizabeth II thuhet se është e shqetësuar për problemet e vazhdueshme që kanë tronditur monarkinë prej disa muajsh.

Sipas një burimi të pallatit, 95-vjeçarja është veçanërisht e shqetësuar për tensionet e vazhdueshme në lidhje me nipërit e saj, Princin William dhe Princin Harry, si dhe babanë e tyre, Princin Charles.

“Elizabeth i kërkoi Harryt ta thërriste përmes Zoom për bisedime paqeje ndërsa Charles është në Skoci dhe ofroi të ishte një ndërmjetëse”, tha një burim i pallatit së fundmi për Closer Weekly. “Është dashur njëfarë bindjeje, por ata kanë rënë dakord me të, sepse ata të dy e duan dhe e respektojnë mbretëreshën”.

Mbretëresha Elizabeth II dhe Princi Harry (Foto: Getty Images)

Burimi gjithashtu pohoi se monarku në fuqi dëshiron të flasë sinqerisht me William, 39 vjeç, i cili është i dyti në radhë për fronin pas babait të tij, 72 vjeç.

“Elizabeth i ka parë të gjitha – të mirat dhe të këqijat”, tha burimi. “Por një gjë që ajo ka mësuar si mbretëreshë është fuqia e të menduarit pozitiv dhe përballimi i sfidave kokë më kokë”.

Harry u tërhoq nga detyrat mbretërore vitin e kaluar dhe u zhvendos me familjen e tij në Shtetet e Bashkuara të Amerikës. William ka vazhduar me jetën mbretërore dhe kërkesat që vijnë me të qenit i dyti në radhë për fronin.

Intervista e Harryt dhe Meghan për Oprah Winfrey (Foto: YouTube)

Sidoqoftë, marrëdhënia u përkeqësua në mars kur Harry dhe gruaja e tij, Meghan Markle, dhanë një intervistë Oprah Winfrey, e cila u shikua nga gati 50 milionë njerëz në mbarë botën.

Harry ka folur për marrëdhenien e tensionuar me të vëllanë, gjithashtu theksoi për Winfrey, 67 vjeçe, se babai i tij Charles nuk i pranoi thirrjet e tij për një kohë.

William dhe Harry (Foto: Getty Images)

Që nga intervista e Dukës së Sussex, Harry dhe William nuk kanë ruajtur ndonjë raport të mirë. /Telegrafi/