Teksa procesi i numërimit të votave është në mbyllje e sipër në të gjithë Shqipërinë, vetëm në dy qarqe ende nuk ka një rezultat final.

Nga të dhënat e fundit të Komisionit Qendror të Zgjedhjeve, përcjell Telegrafi, kanë mbetur edhe 354 vendvotime për t’u numëruar.

Tirana dhe Durrësi janë dy qarqet ku beteja po vazhdon.

Sipas KQZ-së, deri në orën 12:00, Partia Socialiste ka marr 702,255 vota apo 48.65 për qind, ndjekur nga Partia Demokratike me 568,631 vota apo 39.39 për qind.

Lëvizja Socialiste për Integrim ka marr 99,192 vota apo 6.87 për qind dhe Partia Socialdemokrate me 32,463 vota apo 2.25 për qind.

Në këto zgjedhje kanë pasur të drejtë të votojnë 3,588,869 qytetarë me të drejtë vote.

Numërimi i votimit në Shqipëri drejt fundit – PS prin me 73 deputetë, PD me 59 Numërimi i votimit në Shqipëri drejt fundit – PS prin me 73 deputetë, PD me 59

Për 140 vende në Parlamentin shqiptar kanë garuar 1,841 kandidatë nga 13 parti, koalicione apo të pavarur. /Telegrafi/