Martesa dhe divorci i Kim Kardashian me Kanye West tashmë edhe si dokumentar

“Kim vs Kanye: The Divorce” u paralajmërua se do të shfaqet premierë më 7 gusht në Discovery.

Fansat nga ky dokumentar do të mësojnë për uljet dhe ngritjet në çift si dhe për gjërat që çuan në divorcin e yjeve të famshëm.

Në këtë rast të Kim Kardashian dhe Kanye West, divorci i tyre nuk ishte i njëjtë me çdo çift mesatar.

Statusi i tyre i profilit të lartë ndikoi në mënyrë dramatike në proces.

Lexo po ashtu Kim Kardashian e penduar për lidhjen me komedianin Pete Davidson

Ky dokumentar i merr fansat brenda procesit gjyqësor përmes syve të ekipeve ligjore të përfshira.

Episodi i parë trajton problemet që çuan në ndarjen e tij përfundimtare nga familja e mbushur me yje, Kardashian.

Megjithatë, episodi i dytë tregon qëndrimin e Kim. Atyre do t’u ofrohet mundësia për të kuptuar më mirë ndikimin emocional të ndarjes së saj nga Kanye.

Ky dokumentar do të jetë në kontrast të plotë me dëshirat origjinale të Kim.

Ajo kishte bërë një postim në rrjete sociale duke shkruar: “Që nga fillimi, nuk kam dashur gjë tjetër veçse një marrëdhënie të shëndetshme, sepse është më e mira për fëmijët tanë”.

Dokumentari synon t’i eksplorojë si individë ashtu edhe si çift. I hedh një vështrim sipërmarrjeve të tyre të biznesit, disa prej të cilave janë të përziera si dhe të familjes së tyre.

Kim dhe Kanye kanë katër fëmijë së bashku, por ende nuk dihet nëse do të përfshihen edhe historitë e tyre. /Telegrafi/