Maqedonia e Veriut nga Franca do të sigurojë sistem të ri të mbrojtjes ajrore

Ministrja e Mbrojtjes, Sllavjanka Petrovska në seancën e djeshme të Komisionit për mbrojtje dhe siguri të Kuvendit të Republikës së Maqedonisë së Veriut i njohu anëtarët e Komisionit me informatat dhe nevojën e Armatës për blerjen e një sistemi bashkëkohor për mbrojtje kundërajrore.

“Bëhet fjalë për përmirësimin e sistemit të gatishmërisë luftarake të Armatës në drejtim të arritjes së detyrës themelore të mbrojtjes së pavarësisë dhe integritetit territorial dhe sovranitetit të shtetit, për çka Ministria e Mbrojtjes po i afrohet prokurimit të sistemit bashkëkohor për mbrojtje kundërajrore, dhe për të cilin do të lidhë marrëveshje me Ministrinë e Mbrojtjes të Republikës së Francës”, qëndron në kumtesën e Ministrisë së Mbrojtjes.

Bëhet fjalë për një prokurim shumëvjeçar të sistemit të mbrojtjes kundërajrore në lartësi të ulët, i cili duhet të përmirësojë gatishmërinë luftarake të Armatës dhe që është paraparë në përputhje me Planin për pajisje dhe modernizim të Ushtrisë.

Si anëtare e NATO-s, siguria e qiellit tonë garantohet nga forcat ajrore aleate, dhe blerja e sistemit të mbrojtjes kundërajrore është plotësuese me sistemin e përgjithshëm të mbrojtjes së vendit. Ministria e Mbrojtjes informon se në përputhje me Ligjin për prokurim publik në mbrojtje dhe siguri, Ministria e Mbrojtjes e Republikës së Maqedonisë së Veriut së shpejti do të lidhë marrëveshje me Ministrinë e Mbrojtjes së Republikës së Francës, për të cilën opinioni do të informohen më detajisht për llojin e pajisjeve ushtarake dhe dinamikën e dorëzimit. Në dy dekadat e fundit, thuhet, është bërë prokurimi i një sistemi të mbrojtjes kundërajrore, i cili nevojitet mbi të gjitha për mbështetjen dhe mbrojtjen e pjesëtarëve të Armatës, mbrojtjen e institucioneve dhe rritjen e sigurisë dhe sigurisë së qytetarëve të Republikës së Maqedonisë së Veriut.