Drejtuesit e Manchester Unitedit kanë gjashtë emra trajnerësh në listën e ngushtë për të marrë drejtimin e ekipit deri në fund të këtij sezoni pas shkarkimit të Ole Gunnar Solskjaer fundjavën e kaluar.

Solskjaer u shkarkua nga roli i tij si trajner i Unitedit pasi një serie rezultatesh negative, prej pesë humbjesh nga shtatë paraqitje në ligë, ndërsa e fundit ishte një humbje poshtëruese 4-1 nga Watfordi.

Nga ana tjetër, Michael Carrick, një ish-lojtar dhe ndihmës i Solskjaer, është ngarkuar me përgjegjësinë për të udhëhequr klubin në këto kohë të trazuara derisa plani për pjesën tjetër të sezonit të bëhet më i qartë.

Pesë kandidatët kryesorë për të zëvendësuar Solskjaer te Man Utd Pesë kandidatët kryesorë për të zëvendësuar Solskjaer te Man Utd

Sipas mediumit britanik The Mirror, drejtuesit e Djajve të Kuq kanë kontaktuar gjashtë menaxherë të mundshëm për të marrë detyrën në Old Trafford deri në fund të sezonit.

Nënkryetari ekzekutiv i Unitedit, Ed Woodward dhe drejtori menaxhues Richard Arnold vendosën të mos udhëtonin në Spanjë për ndeshjen e së martës me Villarrealin, pasi ishin të zënë duke i intervistuar kandidatët për këtë rol.

Man Utd në bisedime me Ernesto Valverden Man Utd në bisedime me Ernesto Valverden

Ernesto Valverde, Ralf Rangnick, Paulo Fonseca, Lucien Favre dhe Rudi Garcia kanë mbajtur të gjithë intervista me klubin, ndërsa trajneri aktual i përkohshëm, Carrick gjithashtu mund të lihet në postin e tij.

Favorit për të marrë drejtimin e klubit shihet ish-trajner i Barcelonës, Valverde dhe ai i RB Leipzig, Ragnick. /Telegrafi/