Klubi anglez, Manchester United është në komunikim me ish-trajnerin e Barcelonës, Ernesto Valverde, i cili shihet si pasues i përhershëm për Ole Gunnar Solskjaerin.

Djajtë e Kuq janë në kërkim të një trajneri të përkohshëm që mund t’i drejtojë ata deri në fund të sezonit.

United janë të vetëdijshëm se arritja e objektivave të tyre kryesore në këtë fazë të sezonit është shumë e vështirë dhe janë të gatshëm të caktojnë një kujdestar me përvojë për t’i ndihmuar ata të arrijnë ambiciet e tyre për këtë sezon.

Pesë kandidatët kryesorë për të zëvendësuar Solskjaer te Man Utd Pesë kandidatët kryesorë për të zëvendësuar Solskjaer te Man Utd

Sipas mediumit të njohur BBC, United po e shikon 57-vjeçarin Valverde, i cili fitoi La Liga me Barcelonën, si një nga opsionet më të mundshme për postin e trajnerit.

Valverde thuhet se në këtë pikë është favorit për t’u emëruar në mesin e disa emrave tjerë në listën e tyre.

United shpreson të emërojë trajnerin e Paris Saint-Germain, Mauricio Pochettino , por largimi i tij nga PSG konsiderohet momentalisht si i pamundur. /Telegrafi/