Paolo Maldini këmbëngul se Rafael Leao dëshiron të qëndrojë në Milano, por nuk është ‘i pashitshëm’ duke sugjeruar që klubi nuk do të paguajë një pjesë të tarifës së tij për Sportingun.

Anësori portugez e sheh kontratën e tij të skadojë në qershor të vitit 2024. Kuqezinjtë kanë qenë në bisedime me agjentin e tij Jorge Mendes për një marrëveshje të re, por nuk duket se nuk është afër arritjes së një marrëveshjeje për momentin.

23-vjeçari i detyrohet mbi 16 milionë euro ish-klubit të tij Sportingut, pasi e ndërpreu kontratën e tij në mënyrë të njëanshme në vitin 2018. Ai iu bashkua Lilles si agjent i lirë në atë kohë, përpara se të përfundonte një transferim prej 30 milionë euro te Milani në vitin 2019.

Reklama
Reklama

“Leao ka një situatë të ndryshme që vjen nga transferimi i tij te Lille”, deklaroi Maldini për La Gazzetta Dello Sport.

“Kjo ka ndikim, bashkëbiseduesit kanë ndryshuar shpesh, por Rafa na është mirënjohës dhe unë e marr parasysh atë që thotë”.

“Rafa e kupton se rruga për vitet e ardhshme duhet të jetë në Milan. Ai e kupton dhe e thotë. Do të ketë një negociatë dhe ne e dimë se lojtarët e fortë duhet të paguhen për vlerën e tyre. Nëse skuadra përmirësohet më tej, ai do të ketë gjithçka për të bërë edhe më shumë. Atëherë, sigurisht, askush nuk është i pashitshëm, në asnjë ekip në botë”, shtoi Maldini.

Reklama

Raportimet e fundit në Itali sugjerojnë se Milani është gati t’i ofrojë Leaos një marrëveshje të re prej 6.5 milionë eurosh, por sulmuesi gjithashtu dëshiron që gjigantët e Serisë A të paguajnë një pjesë të gjobës së tij, diçka që Milani nuk duket i gatshëm ta bëjë.

Reklama

Kur u pyet nëse është optimist për arritjen e një marrëveshjeje me Leaon, Maldini u përgjigj: “Po, me të, por ne nuk kemi të bëjmë me Sportingun”. /Telegrafi/