Majk thumbon Majlindën në InstaStory (Foto)

Hip hop ylli i Babastars, Majk, po shijon shumë suksesin e tij. Por, jo vetëm suksesin, edhe të arriturat.

Ai është një prej këngëtarëve më të paguar të estradës shqiptare dhe kjo ka bërë që ai të gëzojë të mira materiale. Pos veshjeve të cilat janë të brendeve më të shtrenjta, ai së fundmi bleu edhe një veturë.

Majk ndërroi veturën duke u bërë tash me Mercedes Benz, e kjo ka bërë që ai të thumbojë ish të dashurën e tij në rrjetin social InstaStory.

Ai ka shkuar aq larg sa që ka thënë se nëse ajo do të ishte me të, nuk do të vishte Zara, por Gucci, teksa nëse do të ishte me të, do të ishte në Benz dhe jo duke pritur autobusin.

Majk është penduar për këto konstatime në rrejtin social, InstaStory, duke i fshirë të dyja fotografitë e postuara.

Hip hop ylli i Babastars është baba i djalit të vogël Roanit me Majlinda Zekën, femër me të cilën nuk është më në lidhje, por kujdeset bashkë me të për fëmiun.

Çifti kishin pasur një romancë prej ku bukuroshja mbeti shtatzënë, por tash ata vazhdojnë të jetojnë të ndarë e të fokusuar në jetën e tyre private.

Majk ka shijuar sukses të madh këtë verë me koncerte të shumta, teksa projektet e suksesshme të kësaj vere prej tij janë “Stila”, “Katile” dhe “High 4”.

/Telegrafi/