Madonna ndahet nga i dashuri i saj 41 vite më i ri në moshë, Andrew Darnell

Madonna dhe i dashuri i saj model Andrew Darnell, i cili është 41 vjet më i ri i saj, thuhet se janë ndarë pas më pak se një vit lidhje.

Pas ndarjes së tyre, këngëtarja e hitit “Material Girl”, 64 vjeçe, thuhet se po përjeton një ‘krizë besimi’ për ndarjen e tyre dhe kritikat e fundit ‘mohore dhe mizogjene’ për pamjen e saj në fillim të këtij muaji.

“Ishte vetëm një gjë shumë e rastësishme [me Darnell], kështu që ajo nuk është me zemër të thyer. Thjesht kjo ndarje ka ardhur në një kohë të keqe”, tha një burim për tabloidin Page Six të premten, shkruan DailyMail.

Burimi vazhdoi: “Ajo është duke pasur një krizë besimi dhe kjo nuk ndihmon. Ajo u argëtua shumë me Andrewin, por kurrë nuk ishte dashuri apo diçka e tillë”.

Ish-çifti filloi të takohej menjëherë pas përfundimit të romancës së saj trevjeçare me ish-balerinin Ahlamalik Williams, 28 vjeç.

Në shtator, ajo u lidh për herë të parë në mënyrë romantike me Darnell pasi u panë duke u puthur në një festë në New York City.

“Ajo dhe Andrew po tregoheshin shumë hapur gjatë gjithë natës, duke u strukur dhe duke u përqafuar në kabinë”, kishte thënë një burim në atë kohë.

Vetëvlerësimi i saj thuhet se është në rënie nga kritikuesit e shumtë në rrjtetet sociale të cilët thanë se ajo dukej gati e panjohur në mbrëmjen e ndarjes së çmimeve, ‘Grammy Awards 2023’.

Në përgjigje të reagimit të ashpër, nëna e gjashtë fëmijëve shpjegoi se fytyra e saj ishte e shtrembëruar gjatë shfaqjes dhe dukej më e fryrë se sa ishte në të vërtetë për shkak të një ‘kamere me lente të gjata’.

“Edhe një herë jam kapur në shkëlqimin e moshës dhe mizogjinisë që përshkon botën në të cilën jetojmë”, shkroi ajo në Instagram Story.

Në mbishkrimin e saj të gjatë, Madonna e quajti një ‘nder’ mundësinë që ta prezantonte Kim Petras në skenë.

Kim Petras u bë personi i parë trans që fitoi një Grammy – atë të “Performancës më të mirë Duo/Grup” për këngën e saj me Sam Smith, “Unholy”.

Ajo vuri në dukje se zgjodhi të prezantonte performancën e Petras, në vend që të prezantnte çmimin e lakmuar, “Albumi i vitit”, pasi mendonte se momenti i mëparshëm do të ishte më i rëndësishëm dhe do t’i përshtatej statusit të saj të parë.

Por Madonna ishte e mërzitur sesi njerëzit i injoruan fjalët e saj dhe në vend të kësaj u përqendruan në pamjen e saj.

“Në vend që të fokusohesha në atë që thashë në fjalimin tim, i cili kishte të bënte me falenderimin për frikën e artistëve si Sam dhe Kim – Shumë njerëz zgjodhën të flisnin vetëm për fotografitë e mia nga afër të marra me një aparat fotografik me lente të gjata nga një fotograf shtypi që do të shtrembëronte fytyrën e kujtdo”, shkroi Madonna në reagimin e saj.

Madonna u ankua se ajo jetonte në një “botë që refuzon të respektojë gratë që kalojnë moshën 45 vjeçare dhe ndjen nevojën për ta ndëshkuar nëse ajo vazhdon të jetë me dëshirë të fortë, punëtore dhe aventuriere”.

Këngëtarja e hitit “Like A Prayer” tha se ndërsa ndjeu se ishte ‘degraduar’ që nga ditët e saj të hershme të famës, duke u shprehur: “Unë e kuptoj që e gjithë kjo është një provë dhe jam e lumtur të bëj gjurmët në mënyrë që të gjitha gratë pas meje të kenë një kohë më të lehtë në vitet në vijim”. /Telegrafi/