Me rezultat 3-0, Llapi ka fituar si mysafir i Ballkanit, në ndeshjen e zhvilluar në Stadiumin e Qytetit në Suharekë.

Rezultati u zhbllokua që në minutën e gjashtë, kur Mentor Zhdrella u tregua fantastik me një goditje nga gjuajtja e lirë.

Skuadra mysafire vazhdoi të luante mirë, ndërsa në minutën e 26-të shënoi edhe golin e dytë. Ahmed Januzi realizoi me kokë, pas një harkimi nga Zhdrella.

Llapi e gjeti golin edhe në fraksionin e dytë të lojës, ndërsa golashënues ishte Ahmed Januzi me golin e dytë personal në këtë takim (66’).

Liria pëson në shtëpi nga Ballkani, Drenica fiton në udhëtim te Llapi Liria pëson në shtëpi nga Ballkani, Drenica fiton në udhëtim te Llapi

Kujtojmë që Llapi e nisi me humbje sezonin 2018/2019 në Superligën e Kosovës në futboll duke pësuar në shtëpi nga Drenica.

Nga ana tjetër, Ballkani befasoi me një gol të vonshëm duke e mposhtur Lirinë në udhëtim.

Në këtë mënyrë, pas dy javëve të para në Superligë, Ballkani dhe Llapi numërojnë nga tri pikë. /Telegrafi/