Drin Llalloshi, anëtar i Klubit të Notit Prishtina dhe rekordmbajtës i disa diciplinave të notit në Kosovë.
Në vitin 2008, theu 12 rekorde, 8 në kategorinë e Juniorëve dhe 4 në kategorinë e Seniorëve. Po ashtu ne ketë vit ai u shpërblye si notuesi më i mirë ne kategorinë e juniorëve. Në vitin 2009, Drini ka treguar rezultate edhe më të mira, duke thyer rekordet e mëparshme, dhe duke u bërë kampion në maratonën e notit të Kosovës.
Po në ketë vit ai u dekorua nga komuna e Prishtinës, si një ndër 10 sportistët më të mirë në komunën e Prishtinës. Pas dy viteve ai u shpërngul në SHBA, ku edhe vazhdoi shkollimin dhe karrierën e tij te notit, jo si notues por si mësues i notit.
Gjatë kësaj periudhe, Drini iu bashkëngjit organizatës YMCA e cila është një ndër organizatat më të mëdha në sportin e notit në SHBA. Pas 4 vite karrierë në ketë organizatë, Drini me datën 16 Mars të këtij viti zyrtarisht u certifikua si trener i pare Kosovarë nga USA Swimming (Federata Amerikane e Notit) dhe ASCA (American Swimming Coaches Association). Drini ka arritur që te bëhet ndihmës trajner në "Westfield Area YMCA", një ndër ekipet më të mira të notit në New Jersey.
“Arsyet e mija që kam ardhur në SHBA është vazhdimi i shkollimit dhe trajnimi në sportin e notit si trener, në menyrë që të kontriboj për të ardhmen e sportit të notit në Kosovë. Sportistët Kosovarë kane nevojë që ta zgjerojnë edhe më shumë dijeninë për nga sporti i notit, dhe te gjitha sportet e tjera”.
“Prandaj, ne si mësues të sportit jemi të obliguar të integrohemi në federata dhe organizata të ndryshme të sportit, që të bëjmë më të lehtë zhvillimin e sportistëve të rinj Kosovare. Porosia ime për sportistët Kosovarë është, që të vazhdojnë të merren me sportin e notit, dhe aktivitete të tjera sportive, sepse sporti sjellë përfitime të shkëlqyeshme në jetën e njeriut, si ato edukative, sporti zhvillon mendjen dhe mbron shëndetin e njeriut”, tha Llalloshi. /Telegrafi/
