Liz Truss emërohet kryeministre e Mbretërisë së Bashkuar

Liz Truss është emëruar si pasuese e Boris Johnson, duke u bërë kryeministrja e 56-të e Mbretërisë së Bashkuar.

Në një shkëputje nga tradita, Johnson dhe pasardhësi i tij do të shkojnë në Balmoral – në vend të Buckingham Palace – për emërimin e kryeministrit të ri.

Mbretëresha do të presë Johnsonin, ku ai do të japë zyrtarisht dorëheqjen e tij.

Lexo po ashtu Fjalët e para të Liz Truss, pasi është emëruar si kryeministrja e ardhshme e Mbretërisë së Bashkuar

Më pas, ajo do të ketë një audiencë me liderin e ri konservator, ku ajo do të ftohet për të formuar një qeveri.

I am honoured to be elected Leader of the Conservative Party.

Thank you for putting your trust in me to lead and deliver for our great country.

I will take bold action to get all of us through these tough times, grow our economy, and unleash the United Kingdom’s potential. pic.twitter.com/xCGGTJzjqb

— Liz for Leader (@trussliz) September 5, 2022

Kabineti i mundshëm i Truss ka qenë subjekt i spekulimeve të furishme, por komentuesit në dukje janë të bashkuar në besimin se Sekretari i Biznesit, Kwasi Kwarteng, do të bëhet kancelari i saj.

Mediat britanike shkruajnë se kriza energjetike do të jetë në qendër të fjalimit të Truss nga Downing Street, të cilën ajo ka të ngjarë ta mbajë të martën.

Ekziston gjithashtu një pritje në rritje që kryeministri i ardhshëm do të bëjë një vizitë të hershme në Kiev për të treguar mbështetje për Ukrainën.

Sidoqoftë, Truss do të përballet me një numër “telashesh” kur të mbërrijë në Downing Street, veçanërisht çfarë të bënte për koston e jetesës që vazhdon të rritet. /Telegrafi/