Liverpooli ka shënuar fitore me rezultat 2-0 në udhëtimin e tyre te Southamptoni në ndeshjen e vlefshme për javën e dytë të Ligës Premier.

Skuadra e Jurgen Klopp ka vazhduar formën e mirë dhe fitoret edhe në ndeshjen e dytë të Ligës Premier duke shënuar fitore ndaj Southamptonit.

Pjesa e parë e ndeshjes u karakterizua me lojë të barabartë nga të dyja skuadrat, por ishin mysafirët që gjetën golin.

Ishin minutat e shtesës kur erdhi goli i parë i ndeshjes me anë të Sadio mane, i cili shënoi një gol të bukur për 1-0 pas asistimit të James Milner.

Festa e Manes (Foto: Warren Little/Getty Images/Guliver)

Në pjesën e dytë Reds ishin më të mirë dhe dominuan lojën, por të dyja skuadrat arritën të gjejnë nga një herë rrjetën.

Liverpooli arriti të gjej golin e dytë me anë të Roberto Firmino (71′), i cili shënoi për 2-0, ndërsa Danny Ings (83′) vulosi rezultatin përfundimtar 2-1 pas një gabimi të bërë nga portieri Adrian.

Firmino shënoi pas një veprimi të mirë (Foto: Catherine Ivill/Getty Images/Guliver)

Pas kësaj fitore, Liverpooli e sheh veten në pozitën e parë me gjashtë pikë, ndërsa Southamtoni renditet i 17-ti me zero pikë.

Në ndeshjen e radhës, Reds e presin në shtëpi Arsenalin, ndërsa Southampton udhëton te Brightoni. /Telegrafi/