Liverpooli po bëhet gati për t’i shitur katër futbollistë në afatin kalimtar veror.

Skuadra kampione e Evropës ka dështuar në Ligën e Kampionëve këtë edicion, teksa është eliminuar edhe nga Kupat e Anglisë.

Shpresa e vetme e The Reds është të vazhdoj sezoni në Ligën Premier për ta fituar titullin e kampionit, ku i duhen edhe dy fitore për të festuar matematikisht titullin pas 30 viteve pritje.

Jurgen Klopp do t’i largojë katër futbollistë nga skuadra për t’i zëvendësuar ata me disa të tjerë.

Xherdan Shaqiri . (Photo by Clive Brunskill/Getty Images)

Ylli nga Kosova, Xherdan Shaqiri është në listën e futbollistëve që pritet të largohen në verë nga Anfield.

Përveç gjilanasit në listë për tu larguar janë edhe Dejan Lovren që kërkohet nga disa skuadra italiane, Adam Lallana dhe Nathaniel Clyne.

Nga shitja e këtyre futbollistëve, Liverpooli synon t’i arkëtojë rreth 50 milionë euro.

Dyshja gjermane Timo Werner dhe Kai Havertz mbesin objektivat kryesore të Liverpoolit për afatin kalimtar veror. /Telegrafi/