Lokomotiva Zagrebi ka shënuar fitore të thellë 5-2 në udhëtim te Slaven Belupo, ku ylli i Përfaqësueses së Kosovës U21, Lirim Kastrati ka realizuar het-trik.

Skuadra kryeqytetase i është kthyer fitoreve në NHL ligën e Kroacisë pas dy humbjeve radhazi.

Lokomotiva kësaj radhe ka fituar në udhëtim te skuadra e Slaven Belupos në ndeshjen e vlefshme për javën e shtatë.

I tha jo Shqipërisë, por Kosova nuk e fton fare Lirim Kastratin I tha jo Shqipërisë, por Kosova nuk e fton fare Lirim Kastratin

Njëri nga më meritorët për këtë fitore të kryeqytetasve kroat ishte ylli i Kosovës U21, Lirim Kastrati.

Sulmuesi i Kosovës ka arritur të realizojë het-trik në këtë fitore të thellë të skuadrës së tij.

Goli i parë i Kastratit erdhi në minutën e 23-të të ndeshjes dhe ishte i epërsisë 1-0, ndërsa dy golat tjerë i shënoi në minutat 46′ dhe 83′.

Kastrati me fanellën e Lokomotiva Zagrebit

Me këtë het-trik, sulmuesi i Përfaqësueses arrin në kuotën e katër golave.

Ndryshe, Kastrati është titullar i rregullt edhe i Kosovës U21 dhe që nga debutimi i tij ka shënuar disa herë gol. /Telegrafi/

Kastrati me fanellën e Kosovës U21