Legjenda angleze, Ince – Salahit: Refuzo Realin dhe Barçën, qëndro te Liverpooli – fito tituj dhe bëhu legjendë
Sipas ish-mesfushorit të Liverpoolit, Paul Ince, Mohamed Salah duhet të qëndrojë në Anfield dhe të provojë ta fitojë Ligën e Kampionëve edhe përkundër interesimit nga Real Madridi dhe Barcelona.
Salah ka qenë në formë elektrizuese këtë sezon, duke shënuar 36 gola në 41 ndeshje në të gjitha garat dhe është shfaqur si lojtar kryesor i Liverpoolit nën drejtimin e Jurgen Klopp.
Shfaqjet e Salah kanë ndihmuar Redsat të kalojnë në çerekfinale të Ligës së Kampioneve, ku do të përballen me Manchester Cityn e Pep Guardiolës, ndërsa janë në vendin e tretë, shtatë pikë larg Chelseat të vendit të pestë dhe do të kualifikohen përsëri në konkurrencën e elitës së klubeve në Evropë.
Ince më pas beson se reprezentuesi i Egjiptit është në vendin e duhur në kohën e duhur dhe i ka kërkuar atij të refuzojë çdo iniciativë nga gjigantët spanjollë, për të provuar ta fitojë Ligën e Kampionëve dhe të bëhet një legjendë te Liverpooli.
“Mohamed Salah do të ishte budallallëk që të largohej nga Liverpooli tani. Ai është në një vend që është i përshtatshëm për të”, ka shkruar Ince në një blog për Paddy Power.
“Mos më merrni gabim, gjithmonë do të jetë e vështirë kur të vijnë thirrjet nga skuadrat e mëdha. Është e vështirë të injoroni Real Madridin ose Barcelonën – siç e pamë me Philippe Coutinhon dhe Luis Suarezin”.
“Ka shumë progres në Liverpool, por ngadalë por me siguri po evoluojnë. Janë lartë në tabelën e Ligës Premier dhe janë duke bërë shumë mirë në Ligën e Kampionëve”.
“Nëse Salah rri i përulur dhe gëzon udhëtimin, ai do të mund të gjente veten në një ekip fitues me trofe në sezonin e ardhshëm, ku do të ishte njeri yll i ekipit”.
“Ne kemi parë shumë herë (lojtarët që fluturojnë pas lëvizjeve të mëdha), por ai është një talent i vërtetë i rrallë. Liverpooli do të jetë në Evropë përsëri, do të kenë disa prurje të reja në ekip dhe ai do të shënojë lehtë 30 gola”.
“Ai është vetëm 25 vjeç dhe ka ende mjaft kohë. Ai duhet të jetë duke shijuar futbollin e tij, dhe është në një klub që ka një skuadër dhe menaxher shumë të mirë dhe do të lejojë që ai të luajë saktësisht se si dëshiron”.
“Ai mund të përfundojë keq nëse vendos të largohet, dhe potencialisht duke u ulur në stolin e një tjetër skuadre”, përfundoi legjenda angleze. /Telegrafi/
Promo
Reklamo këtuLufta Prigozhin - Putin
Më shumëKarim Benzema kthehet në Real Madrid
Erik ten Hag më në fund reagoi pas paraqitjes mahnitëse të Jadon Sancho në Ligën e Kampionëve
Ancelotti po mendon vendimin e befasishëm, ta lë në stol ndaj Bayernit njërin nga më meritorët e sukseseve këtë sezon
Shtatë lojtarët që mund të largohen nga Man City këtë verë
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Barcelona kërkon pesë përforcime këtë verë në katër pozicione të ndryshme
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit