Reperi i popullarizuar shqiptar, Ledri Vula, në mars nisi lansimin e projekteve të tij muzikore nga albumi i ri “10/10”.

Ashtu siç edhe mban titullin, albumi përfshin gjithsej 10 këngë në mesin e të cilave janë edhe disa bashkëpunime me artistë të njohur të skenës shqiptare.

Krijuesi i hitit “Princess Diana” mbrëmë (e mërkurë) lansoi të gjitha këngët e albumit në kanalin YouTube.

“History”, “Mos harro me marrë frymë”, “Represent” në bashkëpunim me Lumi B, DJ Flow dhe BigBang, “Bizzy Bizzy” në duet me Gjikon, “Luj mas teje”, “IDK” dhe “Kanye” janë këngët që u prezantuan për publikun dhe admiruesit e muzikës së tij.

Çdo projekt ka veçantinë e tij dhe është kuruar deri në detaje nga Ledri, i cili deri më tani numëron hite të shumta në estradë.

Përveç në YouTube, këngët janë publikuar edhe në platforma të tjera përfshirë, Spotify, Apple Music, iTunes, Deezer, TIDAL dhe Amazon Music.

Të gjitha lajmet nga Estrada Shqiptare Të gjitha lajmet nga Estrada Shqiptare

Ndërkohë, të gjitha këto projekte janë punuar në shtëpinë e hiteve, REDBox Entertainment, nga producenti i njohur BigBang.

“Albumi 10/10 sonte del komplet në YouTube. Këtë album ia kam pasur borxh fansave, dostave, vetes edhe vet muzikës që bëj. Situata nëpër të cilën po kalojmë nuk ka na lënë të realizojmë ashtu si kemi menduar, por çdo gjë e ka të mirën dhe të keqen e vet. E mirë se albumi megjithatë ka arritur të dalë dhe më e keqja nuk kam mundur të ndaj personalisht me publikun me koncerte. Por ajo kohë po vjen kismet. E me kismet po vijnë edhe projekte të reja. Faleminderit të gjithë atyre që janë pjesë e këtij projekti. Gjithashtu faleminderit të gjithëve për përkrahjen dhe komentet e mira”, kanë qenë fjalët e Ledrit në një postim të ndarë në Instagram.

View this post on Instagram

Albumi 10/10 sonte del komplet ne Youtube. Kete album ja kom pas borxh fansave, dostave, vetes e edhe vet muzikes qe e boj. Situata neper te cilen po kalojm sna ka lon me realizu qysh e kemi menu, por cdo gje e ka te miren dhe te keqen e vete. E mire se albumi megjithate ka arrite me dal dhe e keqja qe s’kom mujt me e nda personalisht me publikun ne koncerte. Por ajo kohe po vjen me kismet. E me kismet po vijne edhe projekte te reja. Faleminderit krejt njerzve qe jon pjese e ketij projekti. Gjithashtu faleminderit krejtve per suportin dhe komentet e mira.

A post shared by Ledri Vula (@ledrivula) on May 13, 2020 at 6:47am PDT

Më poshtë ua sjellim komplet albumin “10/10” nga Ledri Vula:

/Telegrafi/