“Kurrë nuk do të bëhesh e famshme” – kur ishte në universitet, ishte formuar një grup kundër Lady Gagas

Me vitet të tëra, Lady Gaga është një prej yjeve më të mëdha të muzikës botërore, ndërsa në muajt e fundit emri i saj është ndër më të përmendurit në industrinë muzikore.

Ndërsa gjithçka kulmoi me nominimin e saj për Oscar si aktore (pas performancës së parë në një rol kryesor në filmin “A Star Is Born”), ndërkaq për të njëjtin film, e fitoi statujën prestigjioze për këngën më të mirë origjinale, me “Shallow”.

Mirëpo, këngëtarja e ka pasur shumë të vështirë ngjitjen e saj drejt majës në skenën muzikore, por edhe në aktrim, duke mos e pasur mbështetjen e askujt veç prindërve të saj.

When #LadyGaga was in university, there was a Facebook group that was named after her called “Stefani Germanotta, you’ll never be famous”

Now she is the FIRST WOMAN in history to win an OSCAR, GRAMMY, BAFTA and GOLDEN GLOBE all in the same year. #Wuluguma 🦁 pic.twitter.com/XGIGuGwBJT

— Wuluguma 🦁 (@wuluguma) February 26, 2019

“Stefani Germanotta, kurrë nuk do të bëhesh e famshme”, është emri i një grupi në Facebook, të cilin e kishin krijuar personat, të cilët e urrenin Lady Gagan në kohën kur ajo ishte në fakultet.

Lexo po ashtu Të gjitha lajmet nga Lady Gaga

Lady Gaga është emri artistik i këngëtares, ndërsa emri i saj i vërtetë është Stefani Germanotta, me të cilin është prezantuar në fillet e karrierës së saj.

"Stefani Germanotta, you will never be famous" pic.twitter.com/cyIsv8yET1

— Angela Morabito (@AngelaLMorabito) February 25, 2019

Fansat e këngëtares e kanë gjetur këtë grup dhe në disa postime në Twiter, i kanë publikuar nga dy fotografi, një të grupit dhe një të Gagas duke e mbajtur Oscarin.

Dikur ishte një personazh që askush nuk e mbështeste, madje as ish- i dashuri, mirëpo sot, 32-vjeçarja është bërë femra e parë që në të njëjtin viti i ka fituar katër çmime prestigjioze (Oscar, Grammy, BAFTA dhe Golden Globe).

“Kisha një të dashur që më thoshte se kurrë nuk do të arrija sukses, asnjëherë nuk do të nominohesha për Grammy dhe se shpresonte të dështoja. I kam thënë se një ditë, kur nuk do të jemi bashkë, nuk do të mund të pijë as kafe pa më parë apo pa më dëgjuar mua”, ka thënë këngëtarja.

Në fjalimin e saj pasi e fitoi çmimin Oscar, Gaga i falënderoi prindërit për dashurinë e pakusht dhe mbështetjen, dhe më pas e falënderoi Bradley Cooperin për bashkëpunimin që i solli aq shumë sukses. /Telegrafi/