Roma e ka caktuar skuadrën e plotë, me të cilën do të luajë në fazën grupore të Ligës së Evropës.

Mbrojtësi shqiptar, Marash Kumbulla, i cili nënshkroi për Giallorossët këtë verë nga Hellas Verona, është pjesë e ekipit për garën e dytë evropiane.

Po ashtu, janë përfshirë edhe Pedro Rodriguez, Chris Smalling, Federico Fazio e Juan Jesus, ndërsa i lënduari Nicolo Zaniolo ndodhet në listën B, si lojtar i grupmoshave të reja.

Javier Pastore, i cili ishte në prag të largimit në ditën e fundit të afatit kalimtar, nuk është përfshirë.

(Foto: Instagram/maxkumbulla)

Skuadra e plotë e Lazios për Ligën e Evropës: Pau Lopez, Mirante; Fazio, Ibanez, Juan Jesus, Karsdorp, Kumbulla, Mancini, Peres, Santon, Smalling, Spinazzola; Cristante, Diawara, Mkhitaryan, Pellegrini, Veretout, Villar; Dzeko, Mayoral, Perez, Pedro Rodriguez.

Lista B: Boer, Calafiori, Zaniolo.

Giallorossët janë në një grup me Young Boys, Cluj dhe CSKA Sofia. /Telegrafi/