Trajneri i ekipit kosovar të xhudos, Driton Kuka ka dhënë një intervistë për Federatën Evropiane të xhudos.
Kuka foli për situatën aktuale të xhudos në Kosovë, të artën olimpike, Nora Gjakovën si dhe tregoi nëse do të ishte opsion puna e trajnerit për një shtet tjetër, raporton KosovaPress.
Kuka u shpreh i lumtur se si po zhvillohet xhudo në Kosovë, si dhe ishte optimistë se sezoni i ardhshëm do të jetë i suksesshëm për ekipin kosovar.
“Jam shumë i lumtur tani dhe kam besim, se sezoni i ardhshëm do të jetë një sezon i mirë për ne. Distria Krasniqi pas Tokios kaloi në kategorinë -52 kilogramë dhe brenda një viti arriti të hynte në Top 3 të sportisteve. Ajo u afrua shumë me yjet kryesore Abe Uta (Japoni) dhe Amandine Buchard (Francë). Të dyja janë sportiste të jashtëzakonshme. Distrias i duhet ende pak kohë për t’u përshtatur. Por ajo fitoi në vitin e saj të parë titullin Master, si dhe medaljet e bronzta të Kampionatit Botëror dhe Evropian. Ndryshimi i kategorisë së peshës nuk është aq i lehtë, duhet të përballesh me sportistë të ndryshëm, të gjithë janë më të rëndë dhe më të fortë. Ju duhet të rregulloni stërvitjen dhe formën tuaj fizike. Jam absolutisht pozitiv, që Distria do të jetë një pretendente e fortë për medalje për Lojërat Olimpike në Paris 2024. Ky është një lajm i madh”, tha Kuka.
Po ashtu, Kuka foli edhe për të artën tjetër olimpike, Nora Gjakovën.
“Nora ishte jashtë për rreth gjashtë muaj për shkak të një operacioni në shpatull dhe ajo u rikthye shumë e fortë, duke fituar dy medalje në turnetë Grand Slam. Në rregull, ajo nuk fitoi asnjë titull në vitin 2022, por -57 kilogramë është një kategori vërtet e vështirë me shumë atletë të mirë që mund të fitojnë. Unë e quaj atë një kategori vrasëse! Kështu që edhe Nora mund të jetë krenare. Për të dy kampionet olimpike, Distrian dhe Noran, nuk do ta japim më të mirën këtë vit. Ka të bëjë më shumë me përmirësimin teknik, taktik dhe fizik. Paris 2024 është qëllimi përfundimtar për të dyja. Ne duam të fitojmë medalje si në Rio dhe në Tokio, pavarësisht se çfarë ngjyre. Për Kosovën çdo medalje olimpike do të shkëlqente e artë, pasi kemi 1,500 xhudist dhe një popullsi prej vetëm 1,8 milionë banorësh. Rruga për në Paris është prioriteti ynë kryesor. Por sigurisht që kampionati botëror në Doha do të jetë kulmi i vitit 2023”, tha Kuka.
Më tej, trajneri i Kosovës tregoi se kush nga ekipi i tij, përveç Norës dhe Distrias, do të mund të arrijë rezultate të mëdha këtë vit.
“Para Lojërave Olimpike në Rio 2016, ne kishim dy atletë më të mirë, përpara Tokios pesë. Ne jemi duke u rritur dhe përmirësuar vazhdimisht. Laura Fazliu (-63 kilogramë) është një atlete për ta përcjellë. Ajo fitoi një medalje argjendi në Masters në Jerusalem, ajo padyshim ka një potencial të madh. Por ajo ende duhet të ndryshojë mentalitetin e saj. Tani ajo është në biznes profesional, jo më në kategoritë nën 18, nën 21 apo nën 23 vjeç. Laura mund të fitojë një medalje të Kampionatit Botëror në Doha, por ajo gjithashtu mund të humbasë luftën e saj të parë. Majlinda po punon shumë me të. Për të mos harruar Loriana Kuka (-78 kilogramë) dhe Akil Gjakova (-73 kilogramë), vëllai i Norës. Ashtu si motra e tij, ai sapo po kthehet nga një pauzë e lëndimit. Në total kemi deri në 15 seniorë në ekip, gjë që nuk është keq. Ne meritojmë të fitojmë shumë medalje të turneut botëror. Dhe në Los Angeles 2028 ne patjetër do të kualifikohemi në garën Mixed Team. Për Parisin do të habitesha, nëse kualifikohemi si skuadër, katër vite më vonë nuk duhet të jetë problem. Aktualisht po punojmë me 50 sportistë, nga kadetët tek të moshuarit, në baza ditore. Jam absolutisht pozitiv, se do të jemi të suksesshëm për rreth 20 vitet e ardhshme. Falë programit KOSOVO JUDO NATION jemi në një pozitë të shkëlqyer. Pas tre vitesh ne do të mirëpresim atletët më të mirë në qendrën tonë të re stërvitore. Ky do të jetë hapi tjetër i rëndësishëm”, tha Kuka.
Pas Lojërave Olimpike Rio 2016, dhe veçanërisht atyre në Tokio, Kuka kishte oferta të shumta për të marrë drejtimin e shteteve të ndryshme nga anë e mbanë bota. Por, Kuka bëri të ditur se të jetë trajner i një vendi të huaj nuk do të jetë opsion për të.
“Unë e dua vendin tim. Dhe është fantastike të shohësh se Xhudo Kosovare po rritet vazhdimisht. Më pëlqen ta ndaj punën time me ndihmës trajnerët e mi. Mund t’ju premtoj lehtësisht, nuk do të kem asnjë problem, nëse trajnerë si Majlinda një ditë do të jenë më të suksesshëm se unë. Unë mendoj, nëse kjo ndodh, unë do të festoj në tribuna. Ose në shtëpi para televizorit. Nuk mund ta shoh veten si trajner për një vend të huaj”, tha Kuka.
Lufta Prigozhin - Putin
Më shumëNga Rubrika
Man City dhe Arsenali në ‘luftë’ me njëra-tjetrën për shërbimet e sensacionit të Ligës Premier
Real Madrid TV sulmon gjyqtarët e El Clasicos, pretendon se një nga golat e Barcelonës nuk ishte e rregullt
Një grup lojtarësh profesionistë pritet që ta pranojnë publikisht se janë homoseksualë – nuk mungojnë klubet e mëdha
Shkëlqeu me paraqitjet e tij, Real Madridi e shpërblen me kontratë të re veteranin e ekipit
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
Një tjetër top trajner refuzon Bayernin
Bellingham bëhet fitues i çmimit prestigjioz – atë nuk arritën ta fitojnë as Ronaldo as Messi
Real Madridi nxjerr në shitje biletat për ndeshjen kundër Bayern Munichut, mësohen çmimet
Capello zgjedh katër gjeni të futbollit, nuk e përfshin Ronaldon
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj