LAJMI I FUNDIT:

Kryeministri britanik njofton një formë të re të Shërbimit Kombëtar të detyrueshëm për të rinjtë

Kryeministri britanik njofton një formë të re të Shërbimit Kombëtar të detyrueshëm për të rinjtë

Kryeministri britanik, Rishi Sunak, ka thënë se do të prezantojë një formë të re të Shërbimit Kombëtar të detyrueshëm për të rinjtë, nëse konservatorët i fitojnë zgjedhjet e përgjithshme.

Në njoftimin e parë të fushatës, Sunak ka shpalosur një plan që do t’u jep 18 vjeçarëve mundësinë për zgjedhjen e një pozicioni ushtarak me kohë të plotë për 12 muaj, ose një skemë për punë vullnetare çdo fundjavë të një muaji, për një vit.

Bëhet e ditur se vendosja e tyre do të realizohet me anë të testeve për të vendosur se kush është i përshtatshëm për forcat e armatosura.

Ndërsa opsioni i vullnetarizmit do të bëjë që të rinjtë të kalojnë kohë me policinë, zjarrfikësit, ose organizata bamirëse, shkruan skynews, përcjell Telegrafi.

Sipas Sunak, modeli i ri do t’u ofrojë të rinjëve “një mundësi për të ndryshuar jetën” dhe do t’i lejojë ata të mësojnë “aftësitë e botës reale”.

“Atyre që ankohen se ta bësh shërbimin të detyrueshëm është e paarsyeshme, unë u them se shtetësia sjell me vete detyrime, por edhe të drejta. Të jesh britanik ka të bëjë më shumë sesa thjesht radhën në të cilën futesh në kontrollin e pasaportave”, tha kryeministri britanik.

Gjithashtu, pritet që shërbimet të ndikojnë edhe në uljen e krimit, pasi vullnetarizmi thuhet të rrisë përgjegjësinë sociale.

Siç raportohet, specifika të tjera do të vendosen nga një Komision Mbretëror, i cili do të vendosë edhe se kush përjashtohet nga skema.

Ndryshe, Shërbimi Kombëtar hyri në fuqi në Britaninë e Madhe në janar të vitit 1949 dhe nënkuptonte se të gjithë meshkujt e përgatitur fizikisht të moshës 17-21 vjeç duhej të shërbenin në një nga forcat e armatosura për një periudhë 18-mujore.

Konservatorët vlerësojnë se programi do t’i kushtojë vendit 2.5 miliardë paund në vit deri në vitin 2029-2030 . /Telegrafi/

Në trend Botë

Më shumë
Çfarë dihet për samitin për paqe në Ukrainë? Cilat shtete nuk e nënshkruan dokumentin final dhe çfarë përfshin ai?

Çfarë dihet për samitin për paqe në Ukrainë? Cilat shtete nuk e nënshkruan dokumentin final dhe çfarë përfshin ai?

Botë
Netanyahu kundërshton ndalimin e luftimeve gjatë ditës me qëllim hyrjen e ndihmave në Gazë

Netanyahu kundërshton ndalimin e luftimeve gjatë ditës me qëllim hyrjen e ndihmave në Gazë

Botë
E kishte nxjerrë për shëtitje në oborrin e Shtëpisë së Bardhë, qeni i presidentit amerikan kafshon një agjent të Shërbimit Sekret

E kishte nxjerrë për shëtitje në oborrin e Shtëpisë së Bardhë, qeni i presidentit amerikan kafshon një agjent të Shërbimit Sekret

Amerika
Luftime të ashpra në Vovchansk ndërsa trupat ukrainase rrethojnë njësitë ruse

Luftime të ashpra në Vovchansk ndërsa trupat ukrainase rrethojnë njësitë ruse

Botë
Zelensky: Nëse Rusia largohet nga Ukraina, bisedimet e paqes i fillojmë nesër

Zelensky: Nëse Rusia largohet nga Ukraina, bisedimet e paqes i fillojmë nesër

Botë
Putin premton paqe me Ukrainën, por Kievi duhet të plotësojë dy kushte

Putin premton paqe me Ukrainën, por Kievi duhet të plotësojë dy kushte

Evropa
Kalo në kategori