Në Kampionatin Ballkanik të xhudos që po mbahet në Bullgari, Kosova fitoi gjashtë medalje, një të artë, një të argjendtë e katër të bronzta.

Me medaljen e artë u kurorëzua Shpati Zekaj në kategorinë deri në 100 kilogramë.

Me medalje të argjendtë u stolis Erza Muminoviq në kategorinë 48 kilogramë, kurse Loriana Kuka 78 kg, Dardan Cena 73 kg, Muhamedin Veseli 60 kg dhe Debora Gjakova 57 kg, fituan medalje të bronztë.

“Foto nga kampionët Ballkanik për seniorë në Pazarxhik të Bullgarisë! Shpati dominoi në të gjitha luftërat dhe u kurorëzua me titullin Kampion Ballkanik”, ka shkruar trajneri Driton Kuka ndër të tjera në faqen e tij në Facebook.

Reklama

Me ekipin e xhudistëve në Bullgari ishin trajnerët Meli Zeka dhe Cuki Veseli. /Telegrafi/

Reklama