Klauzola e çuditshme në kontratën e Antoine Griezmann që Barcelona nuk ia përmbushi

Antoine Griezmann ka zbuluar se e kishte shkruar në kontratën e tij me Barcelonën se do të vishte numrin 7 për klubin.

Reprezentuesi francez bëri lëvizjen nga Atletico Madrid në vitin 2019 pasi Barça aktivizoi klauzolën e tij të lirimit prej 120 milionë euro.

Griezmann nënshkroi një kontratë pesëvjeçare në “Camp Nou” dhe shpresohej se ai do të sillte pak cilësi sulmuese te Barcelona.

Ai përfundoi me fanellën nr.17, megjithatë francezi zbuloi për Cadena SER se ishte në marrëveshjen e tij që ai do të vishte fanellën me numrin 7.

Griezmann e kishte veshur numrin te Atletico, Real Sociedad dhe me kombëtaren e Francës.

Megjithatë, kërkesa nuk u respektua saktësisht nga Barcelona – edhe pse Griezmann kishte një shtatë në anën e pasme të fanellës së tij.

Në atë kohë Philippe Coutinho posedonte numrin 7, por pasi braziliani nënshkroi me Bayern Munichun në formë huazimi, Griezmann përfundoi duke marrë numrin e tij të preferuar në sezonin e tij të dytë.

Ai shënoi 13 herë në La Liga në sezonin e tij të dytë, por kishte ende ndjenjën se ai nuk përshtatej shumë me Barçën dhe kështu ai u kthye te Atleti në një huazim dy-vjeçar.

Raportimet treguan se Los Rojiblancos do të duhej ta nënshkruante atë përgjithmonë për 40 milionë euro në rast se Griezmann luante në 50 për qind të ndeshjeve për të cilat ishte në dispozicion.

Sezoni i tij i parë në Wanda Metropolitano e pa atë të shfaqej në 80 për qind të ndeshjeve dhe kështu, për të ulur përqindjen, Atleti dukej se zhvillonte një plan dinak ku ia kufizuan kohën e lojës.

Për një periudhë, Griezmann u fut në lojë pas minutës së 60-të në çdo ndeshje. Përfundimisht, Atletico dhe Barca e zgjidhën çështjen me një transferim prej 20 milionë eurosh që mund të shihte 4 milionë euro të tjera të paguara në shtesa, me Griezmann tani me kontratë deri në vitin 2026. /Telegrafi/