Kim Kardashian dhe Kanye West kanë arritur një marrëveshje për divorcin e tyre, duke shmangur një gjyq që ishte caktuar për muajin e ardhshëm, treguan dokumentet gjyqësore të dorëzuara të martën.
Ish-çifti dhe avokatët e tyre depozituan dokumente duke kërkuar miratimin e një gjyqtari të kushteve për të cilat ata kanë rënë dakord, duke përfshirë një pension ushqimor prej 200,000 dollarësh (193,000 euro) në muaj për mbështetjen e fëmijëve nga Kanye West për Kim Kardashianin.
Të dy do të kenë kujdestarinë e përbashkët dhe asnjëri nuk do të paguajë mbështetjen bashkëshortore, sipas dokumenteve të depozituara në gjykatën e lartë të Los Angelesit, shkruan The Guardian.
Gjykatësi i shpalli të dy ligjërisht beqarë me kërkesë të Kardashianit në mars, duke i dhënë fund martesës së tyre tetëvjeçare, por çështjet e pronës dhe kujdestarisë mbetën që do të zgjidheshin në një gjyq që fillon më 14 dhjetor.
Të dy kanë katër fëmijë, moshat e të cilëve variojnë nga tre deri në nëntë vjeç.
Kardashian dhe West do të ndajnë në mënyrë të barabartë shpenzimet për sigurinë private të fëmijëve dhe shkollën private, duke përfshirë kolegjin, sipas propozimit të zgjidhjes.
Ata gjithashtu do të paguajnë secili borxhet e veta, thuhet në zgjidhje. Të dy kishin një marrëveshje paramartesore dhe e mbanin pronën e tyre kryesisht të ndarë.
Çifti filluan të njiheshin në vitin 2012 dhe mirëpritën në jetë fëmijën e tyre të parë në vitin 2013. Ata të dy u martuan më 24 maj 2014 në një ceremoni në megalomane në Firence, Itali.
Të dy dukej se ishin nisur për një ndarje të përzemërt me kushte të dakorduara kur Kardashian paraqiti për herë të parë kërkesën për divorc në shkurt të vitit 2021. Asnjëri nuk e diskutoi ndarjen publikisht deri në fillim të këtij viti, kur Kanye filloi të sulmonte në rrjetet sociale ish-gruan e tij, pastaj ish-të dashurin e saj Pete Davidson. Ndër ankesat e tij ishin se ai nuk po lejohej të merrte vendime të mëdha prindërore dhe ishte përjashtuar nga festat e ditëlindjeve dhe ngjarje të tjera për fëmijët e tyre.
Kanye West i cili tani bart emrin Ye, ka shkarkuar dy avokatë që nga paraqitja e divorcit dhe ngriti gjithashtu disa çështje dhe kërkesa teknike, duke përfshirë kërkimin e të drejtës për të marrë në pyetje çdo bashkëshort të ri të Kardashianit nën betim, të cilën gjykatësi, Steve Cochran, e refuzoi menjëherë.
Marrëveshja vjen menjëherë pasi disa kompani kanë ndërprerë lidhjet me reperin për shkak të komenteve fyese dhe antisemitike që kanë gërryer më tej një imazh publik tashmë të vyshkur të tij.
Kjo ishte martesa e tretë për Kim Kardashianin, dhe martesa e parë për Kanye Westin. /Telegrafi/
Promo
Reklamo këtuLufta Prigozhin - Putin
Më shumëStresi i kundërpërgjigjet Xhulit, e fton t'i marrë 30 mijë eurot e premtuara në BBVK - publikon edhe video të parave në tavolinë
Bebe Rexha rrëzohet në skenë gjatë performancës në festivalin "Coachella 2024"
Stresi me akuza të rënda për Xhulin: U viktimizove me një video që ia ke dërguar vet personit dhe je dënuar nga Gjykata Finlandeze
Ish-banori i Big Brother VIP Kosova 1: Gani Gërmia më kërkoi para për intervistë
Sara dhe Bardhi së shpejti prindër, Bora Zemani i bën dhuratën e parë bebit të çiftit
Jashtë Big Brother dhe larg Meritonit, Ilnisa Agolli bën ndryshimin drastik në pamjen e saj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi