Këtë vit në PriFilmFest ndahet edhe çmimi FIPRESCI

Janë gjithsej nëntë filma që sivjet tentojnë ta marrin FIPRESCI në PriFilmFest, mes tyre edhe “Dobra Zhena” nga Serbia, “Our Everyday Life” me Uliks Fehmiun apo “Zvizdan” nga Dalibor Mataniq.

FIPRESCI është një prej çmimeve më prestigjioze që ndahet aktualisht në botë. Mbi 80-të çmime ndahen në rreth 64 festivale në mbarë botën nga Asociacion i Kritikëve të Filmit.

E kësaj liste tash e tutje i shtohet edhe PriFilmFest në kryeqytet. Që nga ky vit do të ndahet edhe një çmim FIPRESCI, këtë vit në kategorinë e filmave nga Ballkani. Barbara Lorey tregon kësisoj për KultPlus se Asociacioni ka vendosur që të ndajë çmim edhe në Kosovë.

“Kjo është shumë e rëndësishme për neve si Asociacion, të vijmë këtu dhe të ndajmë një cmim që po shpërndahet nëpër mbarë botën” ka treguar mes tjerash Lorey.

FIPRESCI është çmim që jepet në festivale prestigjioze si Festivali i Filmit në Vjenë, Venedik, Festivali i Filmit në Kanë e vende tjera, ndërsa mes personazheve që e kanë marrë atë janë Roman Polanski, Woody Allen e Danis Tanovic, transmeton kultplus.

Janë gjithsej nëntë filma që sivjet tentojnë ta marrin FIPRESCI në PriFilmFest, mes tyre edhe “Dobra Zhena” nga Serbia, “Our Everyday Life” me Uliks Fehmiun apo “Zvizdan” nga Dalibor Mataniq.
Këtë vit PriFilmFest ka sjellë gjatë ditëve edhe kinematografinë arabe, e cila ka përfituar mirë nga FIPRESCI.