Kërkon punë pa pagesë për të birin adoleshent, që të mos rrijë kot në shtëpi (Foto)

Donna Cooper nga Hornsea në East Yorkshire e ka bërë një postim në Facebook, përmes së cilit kërkon ta punësojë pa pagesë të birin 16-vjeçar.

Adoleshenti i quajtur Nick, është suspenduar nga mësimi dhe deri në fund të vitit duhet të paraqitet vetëm dy herë në javë, pasi e ka bërë një problem të vogël me disa shokë, transmeton Telegrafi.

Meqenëse po qëndron tërë ditën në shtëpi, kryesisht duke u marrë me video-lojëra, nëna e tij po kërkon që ai të ketë një angazhim, qoftë edhe pa kompensim.

“E ka bërë një gabim në shkollë dhe nuk po e lënë të kthehet si nxënës i rregullt, por ai është duke mësuar dhe kjo do të merr fund. Është një djalë i mirë dhe me zemër të pastër, nuk ka nevojë të ri vetëm”, shkruan Cooper.

“Jam një grua që punoj shumë dhe nuk mund ta paramendoj të birin, që ri në shtëpi i papunë. Ai mund të punojë gjithçka, në fermë, bartje në magazinë, pastrim, madje pa asnjë pagesë.”

Postimin e saj e kanë pëlqyer shumë shikues, ndërsa është vlerësuar lart kryesisht nga prindërit, fëmijët e të cilëve nuk merren me asnjë aktivitet. /Telegrafi/