Janë zhvilluar katër takimet e radhës në NBA, kur jemi duke shkuar drejt fundit të rregullt të sezonit.
Houston Rockets pësuan humbje nga Indiana Pacers me rezultat të ngushtë 108:104.
“Raketave” nuk iu ndihmoi forma e shkëlqyer e James Harden, i cili e mbylli takimin me 45 pikë, 17 kërcime dhe 9 asistime.
James Harden në aksion (Foto: Kim Klement-Pool/Getty Images)
Ndeshja shumë e fortë dhe rivalizuese ishte edhe ajo mes Oklahoma City Thunder dhe Miami Heat, që u mbyll me rezultat 116:115.
Trepikëshi i shënuar nga Mike Muscala, pesë sekonda para fundit i dha fitoren Oklahomas.
Fitoren e tretë radhazi e ka siguruar Toronto Raptors, që fitoi me rezultat 125:121 nda Philadephia 76ers.
Festa e Toronto Raptors (Foto: Ashley Landis-Pool/Getty Images)
Te kandarët ishin gjashtë lojtarë që shënuan dyshifror pikësh, por spikati Chriss Boucher me 19 pikë dhe 9 kërcime
Los Angeles Clippers dominuan Denver Nuggets duke e mposhtur me rezultat 124:111.
Kawhi Leonard (Foto: Kim Klement-Pool/Getty Images)
Në këtë sfidë spikatën Paul George e Kawhi Leonard respektivisht me 27 dhe 26 pikë. /Telegrafi/
