Kate Winslet lëndohet gjatë xhirimeve në Dubrovnik dhe dërgohet në spital

Aktorja hollivudiane, Kate Winslet, ka mbërritur në Kroaci ku po xhiron filmin e saj të ri, por sot (e diel) është parë para spitalit në Dubrovnik ku ka përfunduar për shkak të lëndimeve në xhirime.

Fituesja e çmimit Oscar, një nga rolet më të paharrueshme të të cilës është në filmin “Titanic”, është dërguar me furgon, ndërsa me të kanë shkuar edhe disa persona.

Siç ka raportuar e Dubrovacki dnevnik, e cila ka shpërndarë edhe fotografi të aktores, Winslet e ka lënduar këmbën.

Këto janë fotot e para të saj të realizuara në Kroaci pasi u bë e ditur se aktorja do të xhirojë një film pranë këtij destinacioni turistik.

Lexo po ashtu U takua me Leonardo DiCaprion pas një kohe të gjatë, Kate Winslet thotë se nuk mund t’i ndalte lotët

Në xhirimet me Winslet janë edhe aktorët Jude Law e Marion Cotillard, ndërsa është fjala për një film, historia e të cilit sillet rreth Lee Miller, fotografes legjendare të revistës Vogue, e cili portretizohet nga Kate.

Krahas britanikes, e cila ka udhëtuar në Kroaci për punë, këtë vit ky vend është vizituar nga yje të shumtë të njohur, të cilët kanë shijuar pushimet atje. Disa prej tyre janë Beyonce, Kylie Minogue, Chris Rock, Matthew McConaughey, Woody Harrelson e të tjerë. /Telegrafi/