Juventusi vendos limitin e shifrës që ofron për Icardin

Juventusi thuhet se e ka bërë të qartë se ata nuk do të kalojnë shifrën prej 40 milionë euro për sulmuesin e Interit, Mauro Icardi.

Sipas Corriere dello Sport, kjo shifër është të paktën 20 milionë euro më pak se çmimi i kërkuar nga Interi, edhe nëse klubet janë të përgatitura që kjo shifër të arrihet me bonuse.

Gazeta shpjegon se ‘bisedimet indirekte’ midis dy klubeve tashmë kanë ndodhur dhe mund të ketë më shumë të reja në ditët në vijim.

Lexo po ashtu Icardi kërcënon Interin: Do të qëndroj edhe dy vite dhe do të marrë pagën pa luajtur

Megjithatë, është paralajmëruar se Juventusi nuk ka nxitim të nënshkruajë me sulmuesin argjentinas.

Kjo pasi që ata janë të vetëdijshëm se Interi duhet ta zgjidhë të ardhmen e tij sa më shpejt që është e mundur, në mënyrë që të nënshkruhet një zëvendësues.

Lexo po ashtu Juventusi i ofron një tjetër futbollist Interit për Icardin, Neroazzurrët kërkojnë edhe para

Për më tepër, bardhezinjtë do të vazhdojnë të shikojnë opsionet për të ofruar njërin nga sulmuesit e saj, Mario Mandzukic dhe ndoshta Gonzalo Higuain dhe Moise Kean.

Me këtë në mendje, Zonja e Vjetër mund të zgjedhë të presë deri në verën e vitit e vitit 2021 dhe të sjellë argjentinasin si transferim të lirë. /Telegrafi/